11th May, 2020 (MSR) : The Times of India nih tuzing zing suimilam 3:01 IST in Tuchun tlai suimilam 3:00Pm tiang an langter mi sml 24 chungah india ram ah COVID-19 zawtnak thar minung 4000 bak an hmuh. Hi hi India ram chungah COVID-19 zawtnak a um hnu in a tam bik an hmuhnak ni a si tiah an langhter.

Suimilam 24 liam chung ahhin Maharastra state chung in zawtnak thar 1953 an hmuh chih i, Mumbai khuapi chung zongah zawtnak thar 875 hmuh chih an si ve. Tamilnadu-ah zawtnak thar 669 an hmuh ve i, Gujarat-ah 398, Delhi khuapi zongah zawtnak thar minung 381 an hmuh hna hi a si. Migrant worker hna chung an zapi West Bengal, Odisha le Bihar state hna cu minung 329 an tling ve tiah an langter. Mah ah hin Maharastra chung ah cun suimilam 24 liam cang mi chungin covid-19 zawtnak ruangah a thi mi minung 53 an si manh tiah an langterh chih.

Tu dirhmun in India ramah covid-19 hrik hmuh cang mi minung 67,186 an tling cang, Cu chung ah nunnak a liam cang mi hi minung 2,206 an phan cang i, damnak a hmu cang mi hi minung 20,848 an dam ve cang hna tiah an angter a si.

Indian Railways cu National Lockdown dih hlan ni 5, nak thaizing May ni 12 in cun passenger train service ding aa timh lio a si i, nihin zanlei ahkhan suimilam 4:oopm in cun booking khawh a si cang lai tiah NDTV a langter ve. Zei tin hme kan si cio hnga. Hi tluk thihnak le zawtnak thar an um ah hin Tlanglawng hna onh ding cu a poi tuk ko lai. The Times Of India

By Chuncha