India prime Minister Narendra Modi Twitter account cu minung pakhat nih Wednesday ahkhan a hack piak tiah an chim.India Cozah nih social cawlcang nak lei in 118 cu bann ding in PM Modi sin ah hnatlak nak an ngeih ii hi chung ahhin Tu ah a lar ngaingai mi PUBG zong bann ding in a telh chih.Nizaan ii PM Modi twitter an hack mi hi amah personal ca in a hman mi 2.5million followrs a ngei mi account asi tiah an chim.

Hackers hijack Twitter account of India PM Modi’s website, ask for donations in Covid-19 bitcoin scam

Thil sining an hlet cuahmah lio ah a hack tu pa nih amah asi kha fiang tein ai phuang. A hack piak tu pa cu John Wick asi ii zei ruangtheng te ahdah a hack piak ti cu a chim rih lo tiah an chim.Hi ruangah hin Modi a lung afak ngaingai tiah an chim fawm.India ram ah social Media siseh cun online in cawlcang nak tete pawl cu india cozah nih fek deuh in control ai timh fawm.

Chowkidar Narendra Modi': PM changes Twitter handle name to counter Rahul  Gandhi's chor jibe - The Economic Times

Thawngpang dang<<DNC le RNC cuanhnak; Kan hnuzarh ah Democratic Party nih khawmpi an tuah, ropui tak in an lim. Obama te nupa, Pu Sander , Pi Clinton te nupa, Pi Warren,.. te pawl nih bia an chim. A tlangpi in an chim mi zoh tikah pu Trump soiselnak in an bia an fun. An pu ber Pu Den nih president si ning law Covid-19 hi ka doh khawh lai a ti, America hi muihnak nih a zelh, president santlaih lo ruangah a si a ti, cu pawl cu an khawm pi donghnak bia fun an si.

Tuzarh ah Republican Party pawl nih an khawm pi an peh ve, ropui takin an lim ve. Dr. Ben Carson, Pu Rudy Giuliani, Pi Ivanka Trump, India miphun UN ambassador hlun Pi Nikki, Kimberly te pawl nih bia an chim ve. Pu Trump thaisung nu chim mi nih faak khun in mi thinlung a laak. Khat lei party soisel a hrial, kan tuan ti ding a si a ti, kan pa hi Media nih an doh nain a ram dawtnak a zual chin, faak deuh in rian a tuan chin, American mi nih kan ral hi kan doh tti awk asi,… a ti. An pu ber Pu Trump nih hi ti hin a ti ve. Pu Biden nih muihnak a hmuh, kei nih lianhngannak ka hmuh a ti.

Donald Trump halts WHO funding over 'severely mismanaging and covering up'  on Coronavirus - The Statesman

An chim cio mi zoh tikah an zawn cio in an thiam dih. Zei ruah huaha lo ahcun favai bang choih dih kan fawi te. Pu Rudy bia hi a dik ngai rua ka ti. Joe Biden cu tlaitleng ngai ngai a ngei lo, Sander, AOC, Pelosi, Black Life Matter,.. tbk pawl cawlcangh ning poh in mongh mi a si a ti. Democrat pawl nih cun Pu Trump cu racist a si an ti, president ah aa tlak hrim lo an ti, kan ram mui a chiatter an ti.

An khawm pi hi cu hlan bantuk in minung an tam lo, virus ruangah a sung lawi kho set lo. Nain online in zoh deuh cio a si. An khawmpi tuah chan cu a ra lai mi November thimnak ca asi. A ho nih dah mi thinlung thlarau a tleih khawh deuh ti hi an biachim mi pawl chungin zoh a si. “Joe Biden a boss hlun cu Obama asi,a tu cu pu Sander, pi Pelosi, te pawl an si” tiah pi Nikki nih a chim mi cu el awk um dawh a si lo. DNC nih soiselnak in an bia an tom. An i timh mi an chim kho lo ti tluk a si. RNC nih hmai lei tinhmi kong chim nak in an fun ve. “America First” tiin RNC an candidate nih a biatlang a vualh. Law enforcement ka dirpi peng lai a ti. Biathlum thlum, lung hno tak in DNC an pu Biden nih a thuat set len ve nain American hmailei ca ai tel set lo.

Evangelist min thang bik Billy Graham fapa Franklin Graham nih tawi te nain tling tak tak thlacamnak a ngeih; a luancia kumli chung na kan hruainak, pandemic le buaibainak vialte chungin Bawipa nangmah bawmhnak kan herh, president le vice president hi fimnak pe ko hna, an chungkhar him ter ko hna, tiin thlacamnak tawi a ngeih.Laimi tampi hi vote pe kho dirhmun ah kan um ve. Ruah ciammam tein kan pek ve awk a si. Dirhmun ngei tein..Mi pakhat maw, media maw, tbk pawl nih zumh mi chimchubgnak (prediction) si lo ah prophecy an tuah men mi in vote lo ding a si. Zeidah an policy a si, zeidah ka miak lai ti men si loin rampi ca tu ah tuaktaan buin mee pek ding. Nangmah le keimah vote hna nih hin cun lai a rel tuk lai li nain kan zumhnak, kan duhnak cu vote peknak in langhter ve ding a si. Catialtu: Thawng Za Lin

Donald Trump: What's Facebook's deal with Donald Trump? - The Economic Times

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi cu a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha