Nizan 3 July 2020 cawn ninga ni ahkhan chimcianak um bak lo in India Prime minister Narendra Modi cu Leh I ralkap umnak hmunpi ah a vakal. Chief of Defence Staff General Bipin Rawat le Army Chief MM Naravane hna nih an zulh tiah media nih an tarlangh.

Cu ka hmun I Army, Air Force le ITBP hna nih China he an I dironhnak ah Nimu I ralkap dirhmun hna an rak chimh. Prime minister Modi Leh I a vakalnak a chan cu an ralkap hna thazaang va pek dingin asi tiah an chim. Modi cu Leh a phanh le cangka tein Nimo lei ah a kal colh I, mah ka ahcun ralkap engineer hna nih Ladakh chaklei Line of Actual Control ah ralkap hna hriamnam le thilri an bunh mi hna cu an rak zoh ter. Tutan ah PM Modi nih Leh a va tlawnnak nih hin ramri ah ralkap hna an I ralrin zia cu fiangte in a langhter tiah mi tampi nih an ruah. Prime Minister Modi nih cun ‘Indian Army hna nih India ram humhim dingin an ralthatnak le an I pekchanhnak hna cu chim cawk asi lo’ tiin Corp 14 hna an ralthatnak cu hmun kip ah chimceih bik mi asi I, inn kip ah kan uar hna nak kong kan chim a ti. Kan ral hna nih cun Indian Armed Force hna thinhunnak le ttih an nun zia an hmuh tiah a chim fawn.

 

Thawngpang dang <<Australia a cozah hi cu upat an tlak hrim ko. Vawlei cungah a fak bik mi cu miphun thleidannak ngeih hi asi. Cu bantuk thleidannak a hmang mi miphun cu an ram a rawk tuan i buaibainak nih hnu a zulh peng. Zeibantuk ramrum ramtha si ko hna sehlaw miphun kong ah le Biaknak kongah a buaimi thleidan a ngei ram cozah cu an him bal lo.

Atu lio US ram a buainak zong hi kan zioh tikah ahcun thleidannak fak tuk in a um sual ti mi ruangah mi tampi thihnak an tong i harsat buaibai le cozah tiang lungre theih in a chiah hna nak thanwg kan theih mi a si. Kan miphun him seh, kan ram dam seh, mi zei miphun hmanh an sinak upat thiammi cozah le ram an si ahcun a thancho mi le upat conglawmh a tong mi an si ko lai.

Cu caah Australia cozah bantuk miphun thleidan a ngei lo mi ram hi vawlei mi nih zohchun an tlak hringhran. Mah le miphun a hme a ngan ti thleidan lo in anamh le sinak a cohlan piak thiam mi ram hi a ngan a dam lai i mi zei miphun poah an ram ah hna ngamnak an ngei lai. Kanmah Chinmi ca ko ah lung a rak hmui khun ko. Australia kan Chinmi upa hruaitu hna nan i fit ngaingai. Tu tiang a cozah he niahniam in rian nan tuan ti mi le Chinmi kan konglam tampi a kan theih khawh mi zong hi a hmun ummi nan thawng a si ko. Hmailei zongah kan zuam piak hram ko uh. Hi kong he a pehtlai mi hi Renny Ceu Lian Mang nih a kan thanh mi a si. A cungah kan i lawm.

Australia Cozah Nih Miphun Thleidan Nak A Cohlang Lo. Kanmah holh tein Department Of Home Affairs nih Chin miphun caah a kan kuat mi si. Rak rel cio hna uh sih.Credit: Renny Ceu L Mang

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

 

By Chuncha