Nihin ka uar ngaimi FB chung ca, A tanglei bang hin Lai website pakhat nih a taar: “No Than Kap doh hi Falam doh si lo, miphun ṭhencheutu pa doh a si..by Salai Lungthli Tum” Cu a taarmi tangah pakhat nih hiti hin a comment: Debate tuah hna seh: Pu Zo Bawi vs Pu No Than Kap,  Pu Lian Luai vs Pu Ngai Sak, Chin Mipi nih zoh khawh dingah Hakha in media pakhat le Falam in media pakhat nih Moderator tuah i LIVE STREAM in thlahpiak.

NLD nih an cohlang ngam lai maw?; Chinram ca rianṭuan aa timmi ciocio, iDebate bak ding. Chin Party nihcun an ngamh tuk hna lai ka zumh. A senci NLD pawl nih an cohlang ngam tak lai maw? ti hi ka ruah bak vemi si. Thimnak aa von inaih ai pet ti in Pu No Than Kap va doh leen kha zertian phun khat a si. CNLD pawl nih Chairman pakhat in an rak pom lio khan rak doh awkte a si. Chinmi vialte theih khawh dingin “Debate” cu tuah hna seh! A lungtlingmi kut thlir hna usih….😜😜😜 Credit: Salai C Alexander

Thawngpangdang<< No Than Kap doh hi Falam doh si lo, miphun thencheutu pa doh a si
CNF hotu a tuan lio ah CNA ralkap nih traning tuah lio an i cer nak ah Hakha holh an hman kha a theih i a thinhung, meithal tiang voi tam nawn a puah. Amah nih hramhram in Falam holh lawnglawng a hmanter hna(CNF statement, 2007).

Ningcanglo power a hmannak, CNA ralkap tampi a thah hna nak, nu kong buaibainak le phaisa ningcanglo a hmannak vialte cu CNF upa nih an zoh tikah ‘a si kho ti lo, midingfel lo nih a kan hruai awk a si ti lo’ an ti i Pu No Than Kap cu Pu Zing Cung le Pu Roger Biak Lian hruaimi phu nih CNF hotu sinak an rak chuah kha a si.

CNF in an chuah hnu ah CNF thi/tlu seh timi saduhthah he CNF a chiatnak a dih dongh tiang a rak aupitu than. ‘Hakha nih power an duh ruang ah Falam cu CNF party an kan chuh, aa-na an kan ting’ tiah Falam kan unau lakah CNF huatnak thlaici a tuh. Amah pakhat lawng an thawl ko nain Falam dihlak an kan thawl tiin a mer khawh. Anih hi a fimzer, zeitindah ‘power ka ngeih khawh lai’ timi strategy fiang tein a theih. CNF huatnak thlaici a vorh dih hnu ah heh tiah Hakha le Falam kar huatnak thlaici a tuh than. ‘Aw! Falam’ timi Hakha huatnak cauk tiang a chuah.

A cauk ah ‘Hakha nih Falam cu khualipi sinak an kan chuh’ tiin a tial i Falam mino lakah Hakha huatnak a karhter. No Than Kap strategy cu ‘Falam lakah Hakha huatnak karhter, cucu-khakha an kan chuh tibantuk aupi. Cun, amah lawng kha Falam a chanchuah khomi hruaitu ah i chiah’ khi a si. Mah kha 2010 hlan huatnak thlaici a tuhmi cu a si. 2010 hnu Thein Sein cozah chan ah Falam holh cu ‘Chin official holh’ ser ding a hal rih. Zinghmuh tlang ah Chuncung mino nih ‘Hakha Township’ timi lungphun an sermi zong nikum 2018 ah No Than Kap hruainak in man cikcek an khuai fawn. A lung ai thleng nan ti kho lai maw?

Hi bantuk midingfello minung nih a hruaimi party (No Than Kap party CNLD) an thawn ding khi kei cu ka tih ngaimi a si. Pu Zing Cung le Pu Roger Biak Lian hna nih hruaitu caah ai tlak bak lo tiah an ruah i an thawlmi pa kha atu lio miphun ka daw ai timi mino tampi nih ‘kan pu’ tiah nan auhmi khi ka thlingzaa ngai.  Miphun ka dawt ti tung i Chin miphun lakah thencheunak thlaici a tuhmi No Than Kap tanh, a hruaimi party zong power pek timh khi Chin miphun rawiphir phun khat a si. CNF belnang neh zong a si fawn.

Nan theih ding ah Pu No Than Kap a dam chung cu David Ngaisak(Matupi) nih zeitik hmanh ah CNLD hotu tling a tuan kho lai lo, No Than Kap nih tactic a hman lai i amah peng khi hotu lutlai bik a si peng lai. Cun, No Than Kap doh khi Falam doh a si lo, Falam a si ruang ah ka doh lo, a tuahsernak a tha lo caah ka dohmi a si. NLD cozah Chief Minister Pu Lian Luai khi Falam a si ko. Ka doh lo, a tanpi bikmi keimah ka si. Falam huatu ka si lo, nain No Than Kap a huatu cu ka si. Cucu, miphun ka dawt caah a si tiah kai ruah. kong chim loin CNLD Upa pawl tu<< kha pumpak soiselnak (personal attack) lawngte in tatic cu a hman. Pu No Than Kap kongah bultan thawng lak in Halkha le Falam karlak ah i hmuh thiam lonak ding a chuahpi. Pu Ngaisak fak phun in a thlak i, Pu Ceu Bik Thawng cu kan dawt ko tiphun in Thantlang CNLD kongah aa sawh.

CNLD Suppoter pawl nih Chin NLD Upa lutlai tlinglonak le soiselnak in CNLD caah teinak an kawl bal lo. Aho Chin NLD Upa hmanh pumpak soiselnak chim le tial in politic an tuah bal lo. Ka hmu bal lo. CNLD dirpitu nih an chimmi cu Chin Miphun caah Chin Party tihi an dirpi cemmi asi ko. CNLD nih Chinmi caah aa timhmi le CNLD a thatnak kong an chim an phuang. Pu Zo Bawi an soisel bal lo. Pu Sui Thio le Pu Lian Luan an soisel bal hna lo. Pumpak in mizei Chin NLD upa le lutlai pawl hmanh an thangchiat bal hna lo. A dikmi le a hmanmi Chin Party an policy le an vision tu hi biatak tein an aupi.

Pumbak soiselnak in siseh miphun thleidannak insiseh ramkhel tuah cu a niam cemmi le fihnungmi politic asi. Chinmi hi kan hrut ti lo, chia le tha thleindannak kan ngei viar cang. Mifim cathiam le khurkhua ruat kho an tamtuk cang. Zumhtlak le zunhtlak lo zong thleidan zia an thiam tuk cang. Halkha peng ahcun Zawngkeng politic ruangah NLD vote pek a duh mi hmanh an i let hna tithawng kan theih. Pine Hlutdaw 1 le 2 ahcun NLD cu 100% teinak an hmu kho lai lo tiah thawng kan theih cang. A hman le hmanlo tucu election ah a fiang te lai. Pu No Than Kap a soisel tuk ruangah Falam miphun tam deuh nihcun CNLD lawlaw ah vote kan pek cang lai an ti cang. Dr. Ngun Cung Lian bia i hlan ahcun ZAWNGKENG PA ruangah NLD cu Halkha le Falam ah an sung lai. Credit : Jacob R. Thang.

By Chuncha