Pako ramṭhen, Htantapin peng, Shasaephu le Yeshan khua pawng ah, May 7 zaanlei ah khan SAC ralkap khah-lah-yiah 84 in duh-tat-yin-hmu le tat-kyat-gyi nih an i citmi motor le KNLA, PDF phufonh cu hmaitonh in an i tong i, SAC ralkap ralbawi 2 cu motor in an tum i an zaam nain KNLA le PDF nih an tlaih hna. Lampi ah zaam ṭhan an i timh caah an kahthah beh hna i, motor khaltu cu a luat, tiah Htantapin tualchung hriamtlai phu chungtel pakhat nih a chim.

Thah a tong mi SAC ralkap bawi hna sin in Htantapin pengchung um SAC ralkap sakhan hna le SAC ralkap chungtel min cazin a langhnak catlap cu kan laak, tiah Htantapin tualchung hriamtlai phu pakhat nih cun a chim chap. Nihin May 8 zinglei ah SAC ralkap 2 ruak cu SAC ralkap nih an rak char hna i Yeshan khua le Ziphyukung khuachung cu SAC ralkap nih luhhnawh in chekhlatnak an tuah, tiah theih a si.

By Chuncha

Leave a Reply

Your email address will not be published.