Hriamnam Tha Bik CDM: Tutan i mipi nih Civil Disobedience Movement (CDM) an tuahmi hi hramhrma in nawlngeihnak a lami ralkap cozah thlak khawhnak dingah hriamnam tha bik a si. Salai Lai Ram Thang nih cun “CDM cu cozah a thahripi chah bantuk khi a si ko” tiah a chim. CDM hi ramdang zongah an hman lengmangmi a si. Tahchunnak ah Tunisia (2011) le Sudan (2018)!
88 lio CDM: Kum 1988 i ralkap nih nawlngeihnak an lak lioah cozah riantuan hna nih CDM hi an rak tuah. Hmual a rak ngei taktak.

May be an image of 1 person, standing and outdoors

Asinain thongtla tampi an rak chuah i hna i cu hna nih cun CDM pelzulh kho lo dingin an rak tuaitam hna. Cucaah 88 lio CDM a hlawhtling lo. Lungsau a hau: CDM hi a tha tuk nain lungsau lo ahcun theipar chuah hlanah ngol than a fawite! CDM ruangah rian in chuah le harnak dangdang tampi ton khawh a si, a tongmi cu an um len cang. Harnak ton pah cuahmah bu zongin lungsau tein CDM hi pehzulh khawh i zuam a hau. I bawmh cio a biapi: CDM ruangah harnak a tongmi, rian in chuahmi hna kha ramchung ramleng in bawmh le dirkamh a hau.

Nan thachia hlah u, tiin a langhlat in forh le thazaang pek lawng a za lo. Harnak an ton taktak tikah i zuanhnawh le i bawmh cio a biapi tuk. Kachin ramkulh, Phakanh khuapi i peng uknak zung (Myone GAD) riantuantu minung 10 hna zong an rian in an chuah cang hna. Laimi nih rian in chuah hi kan ton te lai, a tong cangmi zong an um kho! Hi bantuk a tongmi an um ahcun i zuanhnawh cio a herh.

Image result for Civil Disobedience Movement Myanmar

Cun minung pakhat maw, pahnih maw an chuah hna ahcun tuanti hawi dang le zung dang i a tuanmi hna zong nih nan chuah hna ahcun kannih zong kan chuak ve i ngam usihlaw CDM hi hmual a ngei chinchin hnga! A thahripi chah cangmi Pawpi cu duhsah in a thi ko lai, a suttung khiah cangmi innpi cu a rauh hlanah a pur/tlu ko lai. A riantuan piak ti lomi cozah cu a duh lo bu tein a rawk/thi ko lai. Ralkap cozah an tlak i a dikmi Democracy kan hmuh hlan tiang CDM. Credit: Chin Post

Kawlralbawi pawl zia le za hi…ruat tuah! Mi kip nih dohtti mi Ral an si. Zapi nih kantheih cio bang in kawlralkap bu nih kanram tuanbia ah mipi aiawh cozah pi office cu voi(3)tiang an fir cang. 1962 ah Gen. Ne Win nih siseh, 1988 ah Gen. Saw Mawng le Gen. Than Shwe nih siseh, 2021 ah Gen. Min Aung Hliang nih siseh, anmah bawisiduh ca le pumpak ca menmen ah mipi vialte cu khuaruah vansang le hnabeidong in an tuah lengmang ko.

Image result for Than shwe

Cu ruang ah cun ramchung ralthawh nak cu hmunkip ah miphunbu pawl le Democracy duh pawl an chuak. Cu ti in mizapi ral ah anni chuah nak hram cu a si. Cun rawhral nak le vansang sifah nak phuntling nih zul in 1988 ah cun Burma ram cu Vawleicung ram sifak bik (lDC) sinak ah an phanhter. Ralkap uknak hlan ah cun Asia chung ah ramrum bik, facang chuahter biktu Burma ram tiah rak theih mi a si. Cu sifah nak nih cun nihin ni tiang mi mitzoh le bawmh hal in vawleicung ram hna sin ah kan phan. Miit hmai bi in kan um.

Cu dirhmun in ram mipi kan um lio ah kawlralbawi pawl cu sui le ngun in siseh, inn le lo hmanh ah khuaruah har in tthabik mi anni ngeih hna pin ah adangdang an chawva zong chim cawk lo in an rum hna. Cu nih an langhter mi cu mipi zawnruah le bawmh duh nak ca si lo in uktubawi siduh ca le mah pumpakrum an duh ca ah rampumpi cozah nawlngeih nak fung/seal cu meithal he mipi cozah kut in an rak chuh ton mi cu a si. Cu ti in damiah (mifir)an rak si nak cu bia dawhdawh le ca dawhdawh tial in mipi ca ah kan tuah mi a si ee..tiah kum (60) chung an kan hlen peng mi cu a si.

Image result for Gen.Ne Win

Cu caah mipi nih kum (60) chung doh an si. Kawl ralbawi pawl zong nih an ttuan bik mi rian pa(3) a si. Cucu an pawcom nak zong a si. Cun mintthat nak laksawng (medal) aphunphun an ni pek ton mizong cu a si. Cu hna cu..ram mipi hlen, tlaih le thah hna hi an si.Ttha te in mithiam pawl nih an hlat tik ah hihi kanram mipi ca ah kan ttuan an ti mi cu a si ko an ti. Na in IT chan mipi cu an kan tei kho bal lai lo. Kan dir hmun cio in rak do/ al peng ko hna uh sih…Kalawm e. Peh tthan te lai. Credit: KUL

Ram mipi nih kan pom hna lo. Vawlei cung Ram vialte nih an mawhchiat hna i dotla in an pom hna lo tik ah hramhram in uknak a la tu ralkap nih sual ruang i thong a tla mi minung thongkul le Misual zu le hlawh phalh chom in rak kan dirpi u tiah an timi hna pawl bochan in an ke an cheih. Cu zong cu a puang hoi. Mifanau hna tutan cu an i lak sual cikcek. Lungdong lo te in ramchung ramleng ttang ttual mal ko hna usih. Tutan ah tei nak kan hmuh hrimhrim lai.

Image result for min aung hlaing

Every country condemned and reject the Military coup in Burma. The people of Burma condemned and reject them. They are now relying on over 20, 000 criminals, they just released them from jails, and thugs who they paid them to chant their supports. Shame!

Image result for min aung hlaing

Relchih: US Ah Umkhawh Nakding Ralzaam Minung 25,000 Nih An Hal Mi Cu Biden Nih A Cohlan Cang. US ah umkhawh nakding ralzaam minung 25,000 nih an hal mi cu Biden nih a cohlan cang US ramchung ah um ding le khuasa kho ding minung 25,000 nih an hal mi cu cawnningani ah Biden cozah nih an cohlan cang hna tiah theih a si. Hi hna hi Trump cozah nih a rak kham mi hna Mexico ram ralzam in a rak um mi hna an si.

Hi kong hi Feb 19 ni ah American ram ah um ding in thatho tak in pum aa pe mi Mexico ram in ralzam hna zatuak in 25,000 tluk cu US ram ah um kho ding timhlamhnak kan ngei tiah, nawl ngeitu pakhat nih a chim. Hi rian hi duhsah tein tuan ding a si nikhat ah minung 300 lengmang in lak an si te lai, tiah a chimchap.

President Joe Biden Administration nih cun hi bantuk in minung tampi lakmi kong thil pathum hi mizapi theih in an duh lonak an langhter nain U.S Rep. Henry Cuellar, Taxas Democrat nih cun “Brownsville le EL Paso Texas le San Diego San Ysidro ah a um mi hna an si ko” tiah a chim ve.

Atu bantuk in minung ralzam lak ding hi 2019 January thla thok kain ralzam minung pawl US ram ah um khawh nakding in rak haltu minung 70,000 leng cu  lak ding timhtuah rak si nain Trump policy pawl nih rak kham a si i cu Trump policy pawl hrawh dih ding zong an i timh caah a si, tiah theih a si.

Ahmasa bik Joe Biden zung a kai ni ah a ram mi hna him tein um khawh nakding caah policy thar a chuahpi mi pawl cu hnon a si. Nain cu ni thok in ramri ah ralzam dirhmun in a um mi hna pawl nih President Joe Biden a kai bak in US ramchung ah um ding raltha tak in an aupi le an i zuam  mi a si. (Ref: AP News)

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.