Kan unau nu hlasakthiam a si mi Lalruatdiki a dam lo nak kong he pehtlaih in thlacam nak an herhnak kong kan hmuh tikah thinlung a nuam lo ngai. Minung nih kan duhnak ahcun dam chuak tuan hram sehlaw tihi kan duhnak a si bantuk in cu kan duhnak cu Bawipa sin lawnglawngah a um mi a caah lungthin tak in thlacam piak kan bawm hna lai.

Hlasak thiam kan unau nu Lalruatdiki Chhangte, Mission Veng, One in Christ member mi cu A thluak ah khuasik a luh ruangah a tu hi Synod Hospital ah a um lio a si i, a dirhmun a that lei a panh lo caah ICU ah an chiah tiah thawng theih mi kha a si. zumtu hna nan thlacam long hi kan i hngakchan ko tiah kan hnu te ah an chung lei in thlacam an rak cah bal cang.

Nihin tiang thlacamnak a rak kal mi vialte nan cungah lunglawmhnak tampi kan ngei. Hmun dang kaa dang in thlacamnak a kan bawm mi vialte cung zongah lawmhnak chim cawk lo kan ngei. Atu zong hi damnak tuan a hmuh nak hnga thlacamnak na kan bawmh cio thannnak ding caah kan i cah duh hna tiah One In Christ nih Instagram lei ah mipi thlacam an hnu zarh ah khan an rak kan cahnak hi an langter ve cang.

Kan farnu Ruatdiki cu Synod Hospital, Durtlang ICU ah Ventilator hmang in an zoh ko cang tiah atu nai te kha thawng kan theih tikah thinlung a nuam lo taktak, Doctor te nih an chungkhar cu i hmuh ton ding in an auh cang hna tiah thanwg kan theih. Kanmah le si khawh tawk cio in thlacamnak in siseh, a herhmi zong in na kan tanpi cio nak hnga group member vialte kan i sawm ko hna. Ruatdiki hi a rauhhlan ah Bawipa nih dam tuannak pe hram sehlaw Bawipa caah a aw thatnak le amah ram kauhnak caah a hlasak thiamnak zong hi kan hmang piak hram than ko seh. 🙏🙏

Ref: MWN

By Chuncha