Thantlang Tennis Court JMBC kam remhnak ah Rual-U USA nih Ks. 23,00,000 Sing 23 an bawmh hna lai tiah theih a si. Hi tennis court remhnak phaisa hi Thantlang Dingdi Tennis Club nih Rusl-U USA sin ah bawmhnak ca an ṭial i an bawmhmi hna a si tiah kan theih. Rual-U nih hin CCU Tennis Court zong sing 230 reng lo dih in an rak tuahpiak cang hna.

Chin Christian University i bible lei 3rd year final exam ah a thiam bik le hmaak sang bik a hmumi minung pakhat kum khat ah sing 10 Ks. 10,00000 bawmhnak scholarship zong an tuah i tu kum caah Nun Tluang Cung Hakha an pek tiah kan theih. Hi bawmhnak hi a cawnmi a dih tiang pek a si lai tiah Rual-U ngunkeng Salai Van Peng Hnin (Pawchin) sinin the Chin Voice palai nih kan theih.Credit:The Chin Voice

Thawngpang dang>>>Joe Biden nih mah hi ramtthen ahhin thimfung 14000 hrawng in a tei nain Trump a lungtlin lo caah a thar in an rel tthan lai tiah Reuters nih a ttial. Georgia nih electoral vote 16 a ngeih.Tutan thimnak i ramtthen (states) cio aiawhtu hna nih thimnak ah buai awk le zumh lo ding zei hmanh a um lo tiah an chim dih tiah NYT nih a ttial. Mah thimnak ahhin ramtthen pakhat cio nih ttuanvo an lak.

Republican Governor cheukhat nih Trump cu fak ngaiin an mawhchiat.
Georgia hi minak le mirang kong an buai taktaknak ram tthen a si. Tu kum i palik nih lam lai ah a thaw chuah kho lo in an nenh i an thahmi Floyd kong zong kha hi ramtthen ah a si. Minak an tam ngai. 1992 thawk in 2016 tiang kha USA president thimnak ah Republican nih an tei pengnak ramtthen a si. Republican ramtthen a simi Alaska ah cun ruahning bantuk in Trump nih a tei.

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.