NATO GS, Germany, Canada, UK, France, Norway le Turkey telin leicung ram pical Democracy a dirkamhmi ramhruaitu tu hna nih 2020 US Election teitu Joe Biden cu lawmhpinak ca in siseh telephone in an tuah cang. Israel, Saudi Arabia le India zong nih Biden teinak cu an lawmhpi. Mah lak ahhin Israel Prime Minister Benjamin Netanyahu nih Trump mithmai zoh loin Biden cu lawmhpinak a tuah ve.

North Korea's Kim Jong Un met Xi Jinping on surprise visit to China - CNN

Asinain Donald Trump he aa kom ngaimi Brasil president nih Trump cu a dirkamh. Cun Russia president Putin siseh North Korea Dictator Kim Jung-un zong nih Joe Biden cu a lawmhpi duh rih lo. Biden hi US president a si ahcun International ah USA cu hruaitu a si tthan ding kha Tuluk communist Chairman Xi nih a ruat kho lo.

How was Brazil President Jair Bolsonaro's first coronavirus week? | Deccan  Herald

Trump nih US hi buaipi cuahmah ko sehlaw an ram a buai kar ah Vawleicung ah ka duhduh rak tuahning ti kha a saduhthah a si i Trump lei ttang phun in Joe Biden cu a lawmhpi duh lo. Cu bantuk cun Putin zong a si ve.Joe Biden cu nihin vawleicung khuati kong a buaipitu Climate Change hi atu tein kan tawlrel lo ahcun a si kho lo, ramkip kan i bawmh a herh a titu a si. Cucaah Brasil i Amazon tupi thingkung le ramsa a hlo dih cuahmahtu Brasil president nih cu Biden president si lai hi a ttih tuk. Kawlram thimnak ah teitu a simi NLD cozah ca hrim ah International i USA biatak tein a cawlcangh ding hi a herhmi a si. Cc: EuroNews, VOA, AL-Monitor, Jerusalem Post

Xi Jinping to meet Kim Jong-un in first state visit to North Korea | Xi  Jinping | The Guardian

ThawngpangDang>>> Khoidah Biden Chimmi Covid19 Phung tiah Donald Trump press scretary Kayleigh McEnany nih Twitter ah Joe Biden teinak a hmuhmi a lawmtu pawl a bubu in an ummi cu biahalnak a tuah. Trump nih Campaign a tuah lio ah mi bu a thong thong in tonnak a rak tuahpi hna i cucu Joe Biden nih a si awk si lo, zawtnak rang tuk in a karh lai tiah a rak chim. Campaign lio ah cun a si khawh chung mi tlawmte lawng le online lawng in a rak tuah. Asinain atu teinak a van hmuh tikah aa lawmmi American pawl cu White House hmai si seh an khua cio lamcung ah mi bu nganngan in an itong hna.

Trump Campaign ah minung 30000 leng an i chonh i 700 leng an thihmi kong Stanford University report kha kan rak thlah cang.Atu hi Biden nih mi zapi sin ah bia a chim rih lo pinah mibu i ton kong le Covid19 phun kong ah tuanvo ngeimi cu Cozah a si, Biden hi cu president a si rih lo. Nain mipi sin bia a chim tikah mipi nawlnak le Covid19 phung zulh ding forhfialnak a tuah lo ahcun cucu fakpi mawhchiat ding a si. Foto: NYP/ AP

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.