Henry Van Thio Cu NLD Thawngin VP2 A Tling An Ti Maw Cu: Chin World nih Chinram NLD lamkaltu Dr.Sa Sa interview an tuah mi ah NLD party hi Chin mi a kan daw bik tu (Cezushin) an si.Zeicatiah anmah thawngin Henry Van Thio zong VP2 a kan pek a ti.

Myanmar Vice President Henry Van Thio speaks to the UN General Assembly |  Mizzima Myanmar News and Insight

Fact Check: Henry Van Thio cu vote 79 in VP2 a tling.Hi lakah NLD party vote cu 30 lawng a si i a tangmi 49 cu tlangcung mi party hna i MP vote an si.Nominate a tuahtu cu NLD party an si nain VP a tlinter tu cu tlangcung mi party an si.Hi hmanh ah tlangcung mi party zeitluk dah a bia pit?Kawl party nih hruaimi party tang na um chung poah cu na miphun party nih hnu lei in an bawmh lo ahcun zeihmanh a si lo ti hi VP2 kongah tehte zoh ko uh!

Atu ah UEC nih tlangcung mi party thawnnak hmun poah ah thimnak tuah lo ding an ti.Tlangcung mi party an hrawh.Candidate pawl zong disqualify an ti hna.NLD nih tlangcung mi party thazang thawn lai hi an duh lo ee tiah tuan pi ah ka tial cang.Atu ka chim bantuk tein kawl le kawl cu buu dangdang an si zong an lung an i hmu i anmah le anmah cu an i dirkamh thiamthiam.

Swift rise to high post | Otago Daily Times Online News

VP2 pakhat te kan ngah ruangah kan i lawm ko.Amah zong aa timh lo mi pi party NLD ah ai pe.Ai ruah lo tuk mi VP2 dirhmun hna a phan.Awngbali (lottery) cawk loin a ngah (a Poh) bantuk a si caah Pathian nih kan miphun a kan cawisan tiah ruat ko u si.
Nain amah a cawisang tu hi miphun party an si ve caah miphun party CNLD ahhin kan lung i hmu in tangti hna u sih.

Atu ahcun 2008 phunghram tharchuah mi ah tlangcung mi covo kong he aa pehtlaimi tete zong upadi an ser mi tete an um.Cauk hring ahcun a kan pek i a ngah cu kan ngah tak rih lo.Hi pawl kong hna ceih ahcun miphun party he dakaw ceih a hau te lai cuh.Cucaah kan miphun nih kan pal ding bingbo le horthuk le tlangsang an tam tuk rih.Hi bantuk lio te ahhin kan lung ai rual a hau khun caah miphun aiawh CNLD party ahhin aw khat in chuah hna u si.Kanmah le kanmah kan i upat i kan thazang kan funtom hmasa lawng ah miphun dang upat zong kan tong ve lai i timi hi vote hlan ah biatak tein ruat hna u si. Credit: Salai Tin Maung Win

Myanmar eases visa rules for visitors from 3 Asian nations | The Myanmar  Times

Thawngpang Dang << Presidential election alinsa bak cang, thawnginn kong tiang a vun chuak cang. Joe Biden nih a fapa Hunter Biden caah thil a tuah mi, US cozah siang lo in a tuah mi kong ka ttial cang kha. Trump nih Georgia State, Ocala rally campaign a tuahnak ah bia a chim mi nih US mipi a lauter bak ko cang.

New York Post ah Hunter Joe Biden Ukraine Bursima story hmang in Trump Supporters pawl nih Joe Biden ‘Lock him up!’tiin thangpi in an au thluamah ko! ‘Lock up the Bidens. Lock up Hillary.’ tiin an au.Trump nih Hunter Joe Biden Ukraine Bursima story hi 2016 Hillary Clinton email scandal he a khat mi a si tiah a chim.Election ngeinak ding caah Ni 18 lawng a um cang. Georgia ah Trump supporter nih thangpi in an au mi cu ‘Lock him up.

You should lock them up,’Lock up the Bidens. Lock up Hillary. Lock ‘em up!’ Trump nih nuam ngai in le thatho ngai in teinak a hmuh khawhnak ding caah bia a chim.Trump hi tih angei lo mi, ka tuah lai tiah a chim mi a tuah lengmang mi a si caah Biden le Hillary caah cun mangchia tak tak si cang.Trump nih Joe Biden cu ceilak in a phomh tthan i, “. ‘That Biden family is corrupt.

It’s a corrupt family, These are a bunch of bad people” Biden chungkhar hi eihmuar a hmang mi, Eihmuah a hmang mi chungkar, Mi thalo pawl umnak a si.Mah bantuk a chim lio ah ni pah in, Biden nih a ka tei ah cun thatein ka cohlan lai, Electoral College nih popular vote ah Biden a tei lo tiah an chim. Public polls ah point 1 in Biden a tei lo. Georgia ah Biden cu kan tei a hau. Ni 189 lawng a um cang. . we’re going to win four more years.’ Credit-RTK

By Chuncha