October 9 ah Kachin ramkulh, Myitchina myo, Balah Minhtin lilawn parin kum 18 fala tleirawlte cu a dawpthat tiah theih a si. Mithi hi Myitkyina myo, Rampu zatkuat ih um, kum 18 mi Ma Khu Shi a siih, a birthday an lomsak thei lo ding ruangih dawp that a si.

Ma Khu Shi cun October 14 ih a kum 18 kimnak birthday lomsak dingin hi thil a thlen hlan nihnih ah a nu le pa a rak dil. A pa in Covid ruangah hna an tuan thei loih sumpai an harsat ruangah a birthday an lom sak thei lo ding thu a sim tikah a thinheng in a lungbuai ih lilawn parin a dawpthat ti a si. The Voice

Thawngdang <<< Singapore rammi, tukum October ni 1 thawk in Kum 2022 September 30 karlak chungah fa (bawhte) a ngeimi paoh paoh Singapore dollar S$3,000 bawmhnak pek an silai tiah Singapore cozah nih nizan October 09 ah khan thawng a thanh.Hi bawmhnak hi Covid-19 pandemic ruangi Singapore rammi harnak theihthiampinak ah tiah hlut dingmi a si.

October 01 thawk in kum 2022 September 30 karlak ah fa a ngeimi paoh paoh sin ah hi bawmhnak S$3,000 hi pek an silai i, hi pin ah cuhlan i Singapore cozah nih rammi bawhte zohkhenhnak caah tiah Phaisa laksawng a rak hlut tawnmi ‘Baby Bonus Cash gift’ zong an ngah thiam thiam lai tiah an thanh chap. Nizan Oct 09 i Singapore cozah nih, Covid-19 pandemic hnu, kum 2022 September 30 tiang nuva fa angeimi bawmhnak khuakhannak a ngeihmi ah hin, bawmhnak thar S$3,000 le ‘Baby Bonus Cash gift’ he a dihlak fonh ah cun, nuva fa angeimi hna nih S$10,000 tiang bawmhnak an ngah khawh. Bawmhnak pekning ding cu: Nuva hna nih sizung ah fa an ngeih le cangka S$3,000 hi direct in an chungkhar Bank Account ah deposit cawlh a silai

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha