Happy Birthday: Tuni 27. 11. 2020 hi, Singer Benjamin Sum i cuahcam nisunglawi a si. Benjamin Sum nihin a birthday cu sunglawi taktak in an lawmh piak mi live hmuh khawh a si. hringtu a nu Laldinpar nih special bak in a fapa Benben caah a timh lamh piak mi cu uar a um hringhran i, a fapa caah nu thlum sinak a langter mi hi upat a tlak hringhran. Nihin i a birthday ah laksawng tam taktak phaisa zong an pek. A sunglawi hringhran ko.

Bawipa nih kum 20 tiang lam a hruaimi cungah kan lawmhpi cio. Pathian thluachuah co in, kan miphun le ram caah hla tam pi in kan sak piak chin ko seh tiah duhsaknak kan pek. Atang hi Benjamin sum a tuanbia le a dirhmun hna kan theih tawk in kan rak langter chin mi hi rak rel ve cio hram uh. Benben Nan birthday kan in lawmhpi.

Benjamin sum hi pa Lalhmuak Lian le nu Laldinpar i an fapa a si. 27th 11, 2000 kumah a chuak mi a si. Benben hi kum 4 a tlin in a chuahpi a farnu pakhat a ngeih, hmansehlaw hi vawlei harsatnak chuah takin a farnu nih cun a liam tak hna i a mah lawng hi a si. Pa Lalhmuak lian le nu lalrinpar hi 9th 02, 1999 kum ah mipi le Pathian theih pinak in chungkhat a dirhmi an rak si. an nuva hin aw zai music a duh ngai mi an s ii hlasak zong an thiam.

Benben pa hi hla phuah zong a thiam ngai mi a rak si i, an khrihfabu ah hlahruai tu a rak si tawn pinah mino leader a tuan tawn mi zong a si. Benben nu hi Chin Gospel singer a si ve mi a si. an nuva in album kan i chuah lai an ti kum, Benben kum 4 a si lio ah hin, a farnu nih mual a liam tak ve hna i an nufa in an um.

Cu ti cun laldinpar cu a tinh ballo i nuhmei dirhmun in an nufa in nun cu an hmang. Caan tlompal ah an chungkhar ah duh a nung lo tuk mi thlichia a hung hrang hawi ai, cancer zawtnak strait 3 in hringtu a nu laldinpar cu a zaw i Benben caah cun tuar a har tuk ko lai, a farnu le a pa nih an thih tak cang pinah a dawtu a nu nih a fahnak a tuar rih mi hi cu a poi ngai ko.

Ngaktah hna Pathian Bawipa nih a zangfah i a nu zong cu a hun dam cang tikah zeitluk in lawmh a um. Benben nih a tawnmi harsatnak hi tah pi phu bak a si. hmasehlaw Bawipa nih cuaisan a herh caan a ti caah 2019 Myanmar Idol Season 4 in Runner Up a kan lak piak tikah Kawlram le vawlei pi cu a caah ceunak le theihmi minthang a hung cang ia. Nihin ni tiang zong mipi nih uar bik mi ah a si. Bawipa nih an caah khuaruahhar thil a tuah piak hna mi kan hmuh tikah kan lawmhpi cio hna.

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.