Hakha zung rian tuan pawl zung an khai .January ni 8 ni ah Ralkap uk nak kan duh lo ti in khuadang ah cun zung rian tuan pawl a tam deuh zungkai lo in an um. Hakha cu zatuak 50 tluk zung an kai. Zung a kai mi chung ah hnin Hakha ah hram bunh in a um mi kan chin minung zg an an um pah. Credit: The Chin Journal

Image result for chin state hakha hospital

Adang:: Uknak ttha lo a chuah tikah innchung ah umphung a si tilo/I benh phung a si tilo. Lengah chuah in lam cungah sandahpiah dih a hau cang. Sandahpiah cu a phun2 a um ko lai. San an tlai dih cio ko lai. Nan Kawlram sining tuak tik ah lamcung bak ah chuah in sandahpiah a hau. Mi tampi nih nan I thawh I atuchan cu social media chan a si I minung kan fim tuk cang. Thil ttha lo le din lonak thuh khawh a si ti lo ruangah uknak hi a thleng zau ko lai tiah nan zumh.

Uknak thleng zau cu kan dihlak te duhbikmi a si ko. Nan cucu a tak ah fawi dawh a si ti lo. Kum tampi rau dawh a si cang. Ralkap butkedanh hnawtpiak le ralkap tang 3/4 awnglo pawl kha boss le sayakyi ti auh in kum tam nawn hmang rih dawh kan si ko hi. Kum 60 chung nawn a phunphun in duh lonak kan langhter nan thlengnak taktak cu a chuahpi kho lo tikhawh a si. Curuangah atutan cu fak chinchin in kan I zuam a hau lai.

Laimi (Chinmi) le Kawlram miphun dang, politics kan kalnak lamthluan ahhin fimkhur tein le ralring tein kal cang hna u sih. Trump cu palhttanh in kan ttanh tuk ruangah kanmah cungah Myint Aung Hlaing hmang in dantatnak kan tong cang hi. Kan lung a fim rih lo. Trump, Than Shwe le Myint Aung Hliang te pawl lungput le ziaza le kalning cu a khat bakte an si tiah voi 6 leng ka rak ti cang kha. Trump a hlawh tling lo.

Myint Aung Hlaing teh a hlawhtling ve lai maw? Atutan uknak ttha lo nan auhmi cu bel le kheng tum, le a phunphun in tthawl nan I zuam nan thlengnak taktak a chuahpi lai maw chuahpi lai lo theih khawh a si rih lo. Atutan I ralkap uknak tthalo, langngam ti loin nan tthawl khawh lo ahcun ruahchannak a um tilo tluk a si cang ko. Zungzal in ralkap kut tangah nan um a hau ko lai. Keicu beiseinak ka nei tuk lem lo. Ka pehtthan te lai. Credit: Van Tum

By Chuncha

Leave a Reply

Your email address will not be published.