Hakha-Thantlang le Falam Metro; Chinram Paletwa le Hakha cu America le Kawlram tlawn nakin a rak hlat deuh.” Rev. Dr. C. Duh Kam nih LBC Seminar, Yangon ah a rak chimmi. Hlan lioah Chinram pehtlaihnak a rak harning kong a rak chim duhmi a si.

March Muko 2020 ah Dr. Hai Vung Lian nih Hakha le Falam khuapi hna hi, hmailei ah cun khua pakhat bantuk ah an cang te ko lai tiah chunmang a manhmi kong a ttialmi ka rel. Ruahchannak le thazaang tampi a ka pek.

Melbourne nichuahlei kan umnak Mooroolbark sang le Chinmi tampi an umnak nitlaklei Melbourne Melton sang hi meng 47 leng a hlat. Cu bantuk khualipi ah khua a sa ve cang mi kan si tikah, Dr. Hai Vung Lian nih a ttialmi hi, hmailei caah chunmang a manhmi lawng siloin, nihin ah a taktak in a cang cangmi bantuk hmanh ah ruah khawh ngai ding khi a si cang. A tthatnak lei in khua kan ruah ahcun.

Chinram milu kan zoh tikah siseh, kan fingtlang hna umtuning kan zoh tikah siseh, Hakha le Falam hi atu hnu kum 100 zongah inn le lo cu i peh khawh dawh a si lo. Meng 40 leng a hlatmi Hakha le Falam cu chim lo, meng 20 hrawng lawng a hlatmi Hakha le Thantlang hmanh inn le lo cu atu hnu kum 100 zongah i peh khawh dawh a si lo.

Asinain, ipehtlaihnak ah cun khua pakhat bantuk khan an si ko cang. Hakha le Thantlang cu suimilam pakhat hrawng ah phanh khawh a si cang. Melbourne nichuah le nitlak lei kal bantuk a si. Hakha le Falam zong Melbourne nichuahlei Mooroolbark sang in nitlaklei Melton sang kal bantuk khan lawng a si ko cang. Cucaah inn le lo an i peh dih lo hmanh ah pehtlaihnak ah cun khua pakhat bantuk khan ah ruah khawh ngai ding khi an si cang.

Atu nakin Hakha-Thantlang le Falam ummi Chinmi hna nih tam deuh in mawttaw le mawttaw saikel an hman khawh te tik chin ah khin cun khua pakhat bantuk taktak khan a si te ko lai. Credit: Nathan Pa LD Hmung

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha