Hakha peng CNLD candidate le NLD candidate an sining zoh ti hna tikah personality lei hrim in NLD nih an tei tuk hna. Cozah huham le Suu Kyi larnak an i chap fawn lai caah Chin party CNLD cu Hakha peng ah 2015 bantuk in arti khuailo a fawi ngai.

Pu Sui Thio hmunhma ah NLD nih Senthang peng uarmi Pu Lian Ceu an thlen khawh ahcun Pu Siang Mang zong ai cawl kho ve lai lo. Nain, Pu Sui Thio khi Senthang peng nih an uar ti lo caah NLD nih amah an fehter sual ahcun Pu Siang Mang teinak a hmu khomi dirhmun ah a um.Saya Robin zong mifel ngai cu a si. Nain, Laimi nih kan pa bik tiah kan ruah vemi Pu Tial Ling he an i tong hlei ah Hakha peng vialte a huapmi Pyithu Hluttaw MP an i cuh fawn caah a fawi lo, a ca ah ruahchannak a tlawm ngai tiah ka ruah.

Dr. Aye Aye Ngun, Pu Ngun Vung le Pu Zobawi cu tuzaan thawk in an mitku thaw ngai cang lai, zuamcawhtu CNLD candidate an thawng lo.Mah duh ning si thiam sehlaw Pu Siang Mang tal teinak hmu kho sehlaw zoh ai dawh deuh ngai hnga.1.Pu Tial Ling vs Saya Robin.2Dr. Aye Aye Ngun vs Rev. Dr. Ram Ceu Hnin.3Pu Zo Bawi vs Pu Van Chan Ceu.4Pu Ngun Vung vs Pu Chan Tin Mang.5 Pu Sui Thio (or) Pu Lian Ceu vs Pu Siang Mang.Credit: Salai Lung thli Tum.

Thawngpang dang<<Australia Department of Home Affairs nih meeting a kan sawm i nizan ah cozah lei tuanvo nei mi minung pathum hna he tonbia ruah nak kan ngei kho. COVID-19 zawt nak he pehtleih in thawng thanh nak kan tuah mi tlamtling tein nan community cio ah thawng nan kan zamh piak caah lung lawmh nak tampi kan ngei…
Hi thawng thanh nak kan tuah mi ah hin miphun thleiden nak kong he pehtleih in mi tampi nih nan rak zoh, nan rak share cio i kan i lawm tuk. Rian nan tuan nak ah siseh hmun dang ka dang nan um kal nak ah miphun thleidan nak tuah ser nak in siseh, hmur ka in siseh nan hmuh, nan ton ah cun Australia Cozah sin le Palek sin ah report tuah colh hna uh tiah an kan ti rih..

Australia Citizen a sok mi hna cu pakhat hnu pakhat kan auh cang hna. Hi kong he pehtleih in caan zei maw zet cu kan rau lai. Cu leng ah cun COVID-19 ruang ah mah le State cio in tuan cio asi lai.

Ram hnih nak ah a tang mi chungkhar unau auh nak a tuah mi hna kong he pehtleih in Australia Cozah nih rian tuan hram kan thawk than cang tiah thawng tha tak tak a kan thanh.Chungkhar auh nak kong le Citizen sok nak kong ah hin Senator Dean Smith nih January thla Laitlang a tlung hnu in biatak tein Australia cozah sin ah a kan chim piak ruang ah Australia cozah nih Community cio ah thawng thanh ding in hi ban tuk in theih ter nak an tuah than nak hi asi. Prime Minister Scott Morrison nih Election lio ah bia a kamh mi hna cu a tu ah pakhat hnu pakhat a pek thluahmah hna. Prime Minister ka tuan than khawh ah cun Kawlram mi kum thum chung pehtlai tein kan lak hna lai tiah a kan ti caah ram hnih nak a tang mi kan miphun caah ruah chan nak tampi kan ngei.

Ralring pek nak,
Citizen sok nak kong ah Kawlram lei in a deu in cah mi catlap pawl hman hrim hrim lo ding.Citizen sok tik le chungkhar unau auh tik ah ca holh kan thiam lo ruang ah a thiam mi kan fial hna i a kan tial piak mi kha a lawh pah dih caah cozah lei nih lung hring nak le zumh lo nak a kan ngeih nak hi asi. Credit: Reny Ceu Lian Mang.

By Chuncha