Chin Oo Sii Sang chung a humhim nakhnga Chin Oo Sii Mino Bu nih kan si khawh chungin a tlawm bik zarhkhat ah ni-4 sang chung a humhim deuhnak hnga caah rian kan tuan. Kan riantuannak ah thazaang a chuah kho mi mino hna le thazaang aa kan pe in aa kan bawmtu sang chung mizapi nan cungah lunglawmhnak tampi kan ngei.Thaizing zong chun he zaan he kan vak rih lai. Kan sang chung ah zu ding, buai, phung ning lo in hmnthur a hlonh mi cu cunglei nawl peknak in Chin Oo Sii Mino Bu nih kan tawlrel rih lai tiah thawng kan thanh hna.Upatnak heChin Oo Sii Mino Bu
Information Committee:Pehtlaihnak: 09890349560 (Salai Jeol Van Kl, Vice President).

Image may contain: one or more people, people sitting, motorcycle and outdoor

Thawngpang Dang <<Bible ca chungah, 1. Biakam Hlun, 2. Biakam Thar
3. Ara Lai mi caan, Ti in, tthen 3 in caan a um i, a tu kan hman lio mi caan hi Biakam Thar caan asi. Kan mi Hlun sinak in Mithar si awk ah kan ni thlen lio caan asi.Cu ve bantuk in, Chin mi nih kan ni ruahchan mi Mah te Uk khawhnak, Zalonnak le Thanchonak hmuh dingah, Ai zuam cuahmah mi cu NLD hi an si. Hnu lei kan kir than nak hnga lo, kan Pi Daw Suh le Kan Pu Henry Van Thio hi mee pe rih hna uh sih. Catialtu: Peter Ngun Za Cung

Nihin cu Yangon – Naypyidaw – Kalay Vanlawng in Midamlo kan pa ka va thlah. Ruah lo pi in kan i cit mi Vanlawng pi ahcun kan pa Jessy pa(VP) Chinram a tlawn ding he aa tong i, Naypyidaw kan phak in hmaibik ah a hung phan. A luh hlan ah zulhtu upa pawl an hung lut hmasa i, ka pawngah Police lei upa a hung tthu ve. Vanlawng cung i khua ka ruah mi cu Chin mi pakhat nih hi vialte upa hnuzultu a hung hruai hna hi sawhsawh cu a si hrim lo. Pathian chiti thuh timi hi a rak um hrimhrim hi ta timi ka pemh chin chin. Vanlawng cung in Kawlrawn pawl piang rirel in ka hung zoh pah hna. Hi Kawl pawl an thingram an vawlei zong tawlrel khawh ding in VP sin nawl a petu hi Pathian pei a si ko hi timi ka hmuh fiang rih.

Dingthlu lairel Pathian nih a thim mi hna hi cu sawhsawh an rak si hrimhrim lo. Van lawng ttum a za cang. Mipi khual tlong an hung ttum diahmah. Kan midamlo tawlrel a herh ve tikah VP zohkhenhtu kha ka mit te in ka vun zoh. Ka tthu rih. A mit tein va ttum pi hmasa u timi sullam khin a hung ka zoh caah ka ttumpi. Kan pa VP bel cu chawnh a ttha lo, dongtu an khat caah kan lamte zawh in leng kan hung chuak. Ka ruah ngaimi cu “dinnak” timi kha ti hal bantuk in a hal mi cu Bawipa nih chiti a thuh ko hna timi le nihin Chinram hruai tuah ve ning aa timi MP aa cuh mi hna hi Pathian chiti thuh mi si hna sehlaw zei tluk in dah a tthat hnga? timi khuaruah he tuzan lei ah cu Vanlawng in Yangon ka hing kir tthan. Catialtu: Khua Kam

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha