Greentree Apartment Innkang Innchungkhar bawmhnak Chin Commmunity Of Indiana nih an pekmi hna kan hmuh tikah lawmh a um hringhran. Hi bantuk in harsatnak kan tong tikah i bawmhchan duhnak thinlung he mipi caah rian a tuanmi Upa kan i ngeih hna hi kan in upat hna. mi ramdangah harsatnak tong hi a har ngai mi thil a si. Thil kan tuahmi ah a tlom le tam kha cu chim rel thiam a si lo i, kan harsatnak kan i hmuh piak thiam mi le kan i bawmchan thiam le sining i hrawm piak, an ngaihchiatnak va hrawmpi mi hrim khi a sunglawi i, a phu tuk cang mi riantuannak a si.

Image may contain: 1 person, sitting, shoes and indoor

Harsat a tuar/tong mi zong nih an i lung hmui bak lai tihi hmuh khawh a si. Zei zong vialte lakah a kan philh lo a kan dawt ko hih timi thinlung put hrim an ngeihmi nih i tlaihchannak a chuah ter chin. Harsatnak a pechantu a bawmchantu dihlak cungah lawmh a um hringhran. Pakhat le pakhat kan tonmi thil ah i zuam hnawh cawlhmi le nung a siangmi si hi thiltha tuah vialte lakah a sunglawi bikmi a si. Hmailei caan zongah hi bantuk in i bawmchan duhnak thinlung he kan tongmi thil thawng theih paohah a zuam hmasami si zong i zuam hna uhsih.

US ramchung i pekchannak a ngeih mi vialte siseh, a tawlrel tu kan upa le cungah siseh, harsat a tuar mi hna chungkhar pumpak dihlak nih an cohlanmi cung zongah nan dihlak cungah Bawipa nih nan herh ning cio in thluachuah in pe cio hna seh. Abik in harnak a tongmi hna chungkhar nan dihlak cungah hmailei nan lam tluannak ah cang hram ko seh. Video Credit: Chin Community Of Indiana

Image may contain: 1 person, standing and indoor

Thawngpang dang>> North Carolina ah president Trump nih Mr Obama nih 2016 thimnak ah thil hmuhning a rak i pahnak kong he pehtlai in a mawhchiat ve. Ni 13 lawng aa duh cang mi US President thimnak ah Biden nih milung lak nak ah a tei deuh rih tiah ruah a si. Trump cu Gastonia a phak lio ah fak ngaingai in Democratic party minung a den ve hna. Mipi nih “Trump thazaang sertthannak” le “Biden namhnulnak” ah nan duh mi thim khawh a si tiah a chim.

“Obama bantukin mihrokhrol Hilliary Clinton ca ah campaign a tuah tu a hohmanh an um lo, si lo maw?” a hun ti lio ah mipi nih “boo” tiah an hun auhnawh. Cu lio ah Trump ” Obama nih kha lio ah khoika hmun paoh ah hmuh khawh a si” tiah a chim. Trump nih a peh mi ah Hilliary a sungh zaan ahkhan Hilliary nakin a lung a fak deuh mi cu Barack Hussein Obama a si” tiah a den ve. A tulio US ramchung ah thimnak khuati a linh saling a si. Mipi thimfung ca ah a phuphu in khual an tlawn cuahmah lio a si i, Mr Obama zong hi Biden ca ah thimfung kawl in Florida ah a kal cuahmah tiah theih a si. Source: BBC News

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha