December 6,2020 Rev.Dr Hai Vung Lian thawng Update: Ahmasabik ah tu zing a Ni thiang dam tein a kan phaktertu kan Pathian min thangthat si ko seh! Pathian dawtnak thawng in le pakhat cio nan thlacamnak thawng in tu zing ah Doctor te nih Rev. Dr. Hai Vung Lian cu ni dang nak in a let 10 tluk in a thangcho e tiah thawng an kan thanh.

Amah tu cu hngilhnak si an pek peng ko rih caah lungfimlo in a it ko rih. Oxygen level zong amah ah 95 – 100% kar hrawng ah a um peng ko. Seh in zeimawzat hrawng cu an pek chih peng rih. Hitining tein thancho lam a panh ciahmah ko ahhincun caan raulo teah damnak tling zong a hmu than ko lai tiah ruahchannak nganpi kan ngei ko.

Thla a kan campiaktu vialte nan dihlak cungah kan i lomhnak kan chim cawk lo. damnak tling taktak a hmuh khawh nak hnga donglo tein thlacamnak in kan bawm hram ko rih uh. Bawipa nih thluachuah in pe hram ko hna seh! Lunglomhnak chim cawklo he Pu Richard Ngun Lian (ECBC Vice Chairman ), Columbus, OH 43228, Cell : 859-466-3739 Laknak: Lian Iap Facebook

Dr. Hai Vung Lian Kong (Tuni 4 December) Dr. Hai Vung Lian cu tuni ah Doctors Hospital West in Select Specialty Hospital ( Downtown) ah an thial cang tiah an nu Hannah Lian nu sin in thawng kan theih. Damnak tlamtling a hmuh khawh nak lai thlacam ko rih hna usih. A nupi le a fale ca zongah fak piin thlacam bawm rih ko hna usih.

Tuni December 1) Dr. Hai Vung Lian kong: Nan dam tha cio hna maw tiin nan kut kan tlaih than hna. Atu lio cu hmunkip ah a zawmi kan tam ngai lio asi. Zeidang lungretheih lak le thawngpang dangdang lakah Rev. Dr. Hai Vung Lian dirhmun tlawmte update van tuahta ka van duh than. Nizan kha amah pum ah oxygen 90% asi i seh in 65% an pek caah amah ningte asi ko tiah kan ruah. Tuchun hi 12:00am tluk ahkhan amah pum ah 96% asi i seh in 65% an pek caah tlawmte cu a thangcho ko tiah kan ruah. Nizan he tuchun he a thi le a tha te hna cu an tha ko ti kha van in hrawmh thanta ka van in duh mi hna asi. Lunglomhnak tampi he, Richard Ngun Lian ( ECBC Vice Chairman ) Columbus, Ohio, Cell 859-466-3739

CBC USA nulepa le ulenau vialte hna, Bawi Khrih min in nan kut kan tlaih hna. Kan senior pastor Rev. Dr. Hai Vung Lian damlonak he pehtlai in siaherhnak taktak le dawtnak thinlung taktak he pumpak in siseh, khrifabu in siseh thla nan kan campiaknak thawng kan theihmi nih kan hna a kan ngamter hrinhran. Nan dihlak cungah kan i lawm tuk ti hi van chim hmasa than ta ka duh ko. Thinlung tak tein thla nan camnak Bawipa nih a theih ko. Kan pastor pa zong nikhat hnu nikhat cho lam panh in a sining kan theih ko ti kha van in hrawmh ve hna kan duh ko hna.

Tuchun 28, November, hi zanlei suimilam 1:00pm tluk ahkhan doctor te nih amah pum chungah oxygen 89% a um i seh in 70% kan pek an ti. Zanlei suimilam 6:00pm tluk hrawng ah khan amah pum chungah oxygen 92% a um i seh in 70% kan pek an ti. A thatur le a thi ( vital ) cu a tha dih ko an ti. Amah belte a ka in a cuap tiang oxygen peknak hri ( ventilator ) an hrolhmi ruangah hngilh sii an pek peng i amah cu zeihmanh hngallo in an ihter ko rih. Kha ti an umter lawngah thlop awk a tha ding asi caah asi.

Sizung lei nih an kan chimh mi ( oxygen pekmi percentage le amah pum ah a ummi level tbk ) hi medical lei cawnnak a ngei ve lo kan caah cun theih fian a har ngaimi asi caah oxygen level kong he pehtlai in a percentage ah khin buai tuk lem loin amah mipum dirhmun le sining ah nizan le tuchun a dangmi a um maw ti tu ahkhin biapi deuh in kan ruah khawh ahcun a tha deuh hnga ti zong van chim chih ka duh. Lungthin tak tein Pathian sin tu ah thla cam hna usihlaw a damnak ding le a nunnak ding cu amah kut ah a um mi asi ko. Nan dihlak cungah kan i lawm tuk. Bawipa nih thluachuah in pe ko hna seh! Lunglomhnak chimcawklo he, Pu Richard Ngun Lian (ECBC, Vice Chairman ), Columbus, Ohio, Cell : 859-466-3739

 

By Chuncha

Leave a Reply

Your email address will not be published.