Rev. Dr. Hai Vung Lian a hnu bik thawng: Senior Pastor thawngpang thar ECBC khrifabu hna, nan thlacampiaknak thawng in le Pathian dawtnak thawng in tuchun cu kan pastor pa dirhmun a thei in thawng kan theih.

Image may contain: 1 person, closeup

A lung a fim cang. A kut zong an cawl kho cang. A takpum belte cu a cawl thlu kho rih loh. A kut hna cu exercise an tuahter pah cang. Zoom in an chawnh zongah a kut a piak pah, a luu hna a cawlter pah len canv an ti. Bawipa min thangthat si ko seh. Damnak tling a hmuh zau nak lai thla fak piin campiak ko rih hna usih. Credit Richard Lian.

Fa Le A Hrawk Bik Tu Hi Nu Le Pa An Si: Nu le pa nih kan fa le kan dawtnak hna an theih khawhnak ding ahcun kan lung a sau a herh i lungsau taktak in kan cawn piak hna awk an si. Nangmah nih ka Fa kan dawttuk na ti lengmang mi nakin na fa nih ka Nu Le Pa nih an ka dawt ko timi a theih a herh deuh. Cheukhat Nu le Pa cu: kan fa le a hro phun le a sik phun lawng tein kan chawnh biak hna tikah Fa le nih an kan ttih tuk i kan cawnpiak nak hna hmanh an i cinken kho lo.

Ngakchia cu an pum a tthanmi nakin an thluak a tthan ning a ran deuh tikah an duh mi le an huam mi a tam. Theih an duh mi le cawn an duh mi zong a tam. Cu tikah Nu le Pa nih thazaang pe loin na tuah kho la lo na cawng kho la lo tiin an thazaang dernak dingin kan chimh/chawnh hna. Mah bantuk bia si loin, ka Fa i zuam kan cawnpi lai kan dirpi lai na thluakttha tuk, teinak na hmuh hrimhrim lai, Pathian sinah Bawmh nak hna kan hal lai i na tuah khawh lai na cawn khawh lai tiin thazaang kan pek hna awk an si.

Image may contain: 2 people, eyeglasses

Nu le Pa nih kan Fa le kan cawnpiak tik hna ah zeibia dah kan hman lai, i zei bantuk dah a duhphun a si, hro maw a duh nemte chimh maw a duh timi hi kan ruah awk bak a si. Na Fa kha a sikin si hlah, Nemtein chawn law a duhnak zulh piak hmasa, cuticun na duhning khan cawnpiak ve hmanh 100% ah 99% cu a zulh lai.

Kan Fa le kan dawtnak hna hi kan mah lawng nih kan theih. Cu nakin a biapi deuh mi cu Fa le nih hin Ka Nu Le Ka Pa nih an ka dawt bak ko timi an theih a biapi deuh cang. Note: A zulh awk a simi lam kha ngakchia cu cawnpiak law, a upat tikah mah cucu a pialtak ti lai lo.PHUNGTHLUKBIA 22:6. By Job Lian Cin Thawng

By Chuncha

Leave a Reply

Your email address will not be published.