DKRC lei in lunglawmhnak: Denmark ramchung miphun hawi hna Covid – 19 zawtnak chung in kan Pathian nih kandihlak lutnak le himnak kan pe cio sehlaw kan ttuan nankawlnak cio ah hlawhtlinnak kanpe seh law Khrihfabu cio cungah hnangam deihnak kanpe hram ko seh.

Nan sinah DKRC lei in lunglawmhnak chim tthan kan van duh ko. Nordjylland Chin Church ( NCC ) hna nih kanram le kan miphun rianttuan mi hna caah Family Inn saknak caah MMK. 3.000.000,00Ks Ting sawmthum kan in bawmh ve hnaย tiah thawng kantheih cu lawmhnak mithli a haa bak ko.

NCC hi Denmark ram ah kan bochan taktak mi hna ansi. Vokthahnak sehzung ngampi umnak a si i Denmark kan caah cun US ram cu kan vawlei pi caah bochan mi a si bantuk in Denmark ram kan nih Chin/Laimi caah cun US bantuk in bochan mi an si. Pastor te pahnih an kan ngeihpiak lawng siloin Biakinn ttha taktak an kan ngeihpiak i a herh ningin biaknak lei he miphun ca he duhtik poah ah hmankhawh ding in Innkaa kaupi in an kan onpiak.

Bawipa nih an Khrihfabu thluachuah pe seh law hmailei zongah kanram le kan miphun caah suttung bantuk in kandir piak zungzal ko hna seh. Lawmhnak chim cawklo he, Za Awi Thang (David Ling Pa) DKRC, Esbjerg Note—- Tutiang kan miphun caah Denmark ram chung Khrihfabbu hna nih tukum 2020 thazaang an kan chuah piak mi ka van langhter. A chambau mi tete a hnu ah Update kan van tuah tthan te lai. Laknak: Roland Thang Khiteng Facebook ah lakmi a si.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmiโ€ caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha