Malay le India lei ah a Tang rihmi Kan Unau pawl caah Thawngpang Ttha! Thla fakpi in Kan cam cio a hau! Biden nih Ralzaam 125000 lak ding in thawng a thanh cang lai! Trump nih 15000 lawng a rak lak i, mah cu Ralzaam lakmi ah 1980 in a Tlawm cem asi ti asi…nain… Atu cu Ralzaam caah Innka ai ong than cang lai! CRC, ACR, … Mah le phu cio ah Hna tung cio ko hna usih! Credit: Steven Biakpi

U.S. President Joe Biden signs executive actions in the Oval Office of the White House on January 28, 2021 in Washington, DC. Photo by Doug Mills-Pool/Getty Images

Trump Cozah chung ah muinak nih a khuhmi hna, vawleicung kakip ralzaam vialte hna caah Joe Biden a tlin cu khua Ceu thar an hmuh bantuk ah ruahpiak khawh an si. Trump nih “Mexico 🇲🇽 lei in phungloin luhnak hi Walls in kan kham awk a si i, phungning tein USA ah an rak lut cio awk a si” ati nain, Refugee laknak le Chungkhar Sponsor tbk lottery system in US luhnak tbk vialte a phih viar ti awk a si. Cucaah, US ah rak pem aa duhmi vialte caah harnak nganpi an tong. A bik in a him lomi Refugee nih an tuar khun.

2019 lio, Malaysia 🇲🇾 kan kal ahKhan UNHCR Rep he tonnak kan ngei hna i, cu lio ahcun, Trump ( US) nih Refugee lak a phih ruang ahhin Europe ram tbk vialte zong nih Refugee lak hi an ngol cio ve i, resettlement lei cun harnak nganpi kan tong an ti. A bik in Denmark hna zong cu pakhat hmanh an la ve hna lo. US dirhmun zoh in an thu dir cio ve hna i, a poi tuk an ti. Canada 🇨🇦 tu hi tambik a lami Ram ah ai cang.

Members of a migrant caravan jump on a truck on their way to the Guatemalan border as part of their journey toward the United States on January 15, 2021, in San Pedro Sula, Honduras.

TRUMP nih kan hnu October ahkhan 20-21 caah Refugee 15,000 lawng lak dingin min a thut. Asinain US nih an thim tharmi President elected Joe Biden nih a harsami refugee cu 125,000 bakte lak dingin timhlamhnak thar a ngeihnak kong a phuan. Cucaah, Trump chan ah a muimi Refugee life cu, Joe chan ah ceunak an hmuh tthan lai ti khawh a si 🙂

TRUMP nih innka a awnh duhlomi hna ralzam cu Joe nih innka a von awnh tthan cang hna lai i, US a hawi,Europe’s Ram tbk vialte zong nih innka an von awn piak cio tthan hna lai tiah ruah khawh a si caah, Ralzam caahcun Joe a tlin cu Thawng ttha ngai ngai a si tiah ka ruah. By ZasangCinzah

By Chuncha

Leave a Reply

Your email address will not be published.