Covid-19 Bawmnak Phun ( 2): Australia ram Victoria ramkulh caah cozah nih bawmhnak phaisa an tuahmi phun 2 hna cu atanglei ah ka theihtawk in ka rak tial. Mah bawmhnak kong hi kan hnu lei ah voi khat cu ka rak tial cang ko nain pakhat hnih aa fiang lo mi caah tiah a tu hi ka tial thannak a si. Mah bawmhnak phun 2 hna cu Australia cozah nih Covid-19 damlo harton phaisa bawmnak ( Pandemic leave disaster payment) tiah min a pekmi a si.

Australia ram Federal cozah $1,500 bawmhnak; Rian a tuanliomi chungin Covid-19 zawtnak a ngeimi nih sawkkhawh a si. Riantuannak company or ngandamnak lei cozah nih Ni 14 chung quarantine le isolation tuahtermi hna cungin damlo tikah company nih phaisa pekmi ( sick leave) a ngei lo mi nih sawkkhawh a si. A tlawmbik kum 17 cung long nih mah bawmhnak cu sawkkhawh a si. Victoria state ah a ummi long nih sawkkhawh a si. Chawnhkhawhnak phone number: 1802266 a si lai. Zung on caan: 8 am to 8 pm Monday to Friday, 9 am to 5 pm Saturday and Sunday.

2. Victoria ramkulh cozah phaisa $ 450 bawmhnak: Cozah bawmhnak phaisa $450 cu rian a tuan lio mi nih Covid-19 test aa tuah i zawtnak ngeih le ngeih lo ( result) a chuahhlang inn ah quarantine le self-isolation tuahtermi paoh nih sawkkhawh a si. Rian a tuan mi nih damlo tikah hmanmi Sick-leave a ngei lo mi nih mah bawmhnak cu sawkkhawh a si.

Rian a tuan lio mi nih Covid-19 zawtnak in a zawmi nih sawkkhawh a si. A tlawmbik kum 17 cung long nih mah bawmhnak cu sawkkhawh a si. Chawnhkhawhnak phone number: 1800 675 398 Aherhmi cu, chuahni, thla, kum, bank account number, na riantuannak company min, na visa, na passport, na umnak address tbk…a herh.

Mah $ 1,500 le $450 cozah bawmhnak hi ni 14 cung self-isolation le quarantine tuahtermi paohpaoh nih a pa 2 in sawkkhawh a si. Australia ram ah riantuankhawhnak nawl a ngeimi paohpaoh bianabia ah; students visa, PR, riantuannak visa, Australia citizen tbk… riantuankhawhnak nawl a ngeimi paoh nih sawkkhawh a si.

Theihding: Mah bawmhnak pa 2 cu damlo tikah hmanmi ( sick – leave) a ngeilomi, cozah bawmnak a hmu lo mi, jobkeeper, jobkeeper phaisa a hmulomi le kaa dangdang in phaisa luhnak in-come a ngei lo mi long nih sawk le pek a si. Credit: Pa Hen Thang

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha