WHO nih nizan ah achimmi cu, pandemic hi rampi politic khelnak ah hmang hlah u tiah a chim. A ngai ngai ti ahcun, vawleicung ram thimnak hi US le Myanmar nih November ah an tuah lai. Hi hna ramhnih hi abiapi cu an si ko. Myanmar nih pandemic cu party campaign nak ah an hmang lo law law khi si ko. Abik in US an si. WHO nih achim hnawh duhbikmi hi US a si lai dah. Aliamcia thla ah khan Trump nih achimmi cu, vaccine hi mee thlak lai Nov.1  cun ramchung states dihlak sinah phawtzamh a si cang lai tiah a rak chim. Nizan zongah a nolh than rih thiam thiam. Nizan ah achimning ahcun, vaccine hi October thla chungah chuah khawh a si lai tiah a ti. Mah kongah Biden nih Trump biachim cu lehnak a tuah colh.

American ancestry in the United States, mapped - Business Insider

Biden nih atimi cu, Donald Trump biachim le biaphuan hi pakhat hmanh ka zumlo tiah a ti. Mipi zong nih zumh ding a si lo ati. October thla chungah vaccine chuah a si lai tiah a ti lengmang mi hi zumh a tlailo tukmi biachim a si ati. Kamala zong nih Trump cu fak tukin a phomh colh ve. Atimi cu, Donald Trump nih cun amah lung lawng aa rinh, scientists le medical experts bia angai duhlo tiah a ti. Nizanah US Scientific American Laura nih atimi cu Unites States le achung ummi minung hna cu an rawkral dih cang, zeitintiah Donald Trump nih scientists le evidence pawl hna ruahnak alak duhlo ruang ah asi tiah a ti.

World Cup 2014: Can America Learn to Love Soccer? | Time

Editor-in-Chief Laura Helmuth nih Trump’s administration cu US ram caah tihnung ngai ngai asi tiah a ti. Climate change kong zongah Trump’s administration cu rinhtlak asi lo tiah a ti. Senior editor Josh Fischman nih achim vemi cu, Trump nih tulio zawtnak pandemic hi a tawlrel kho bak lo, hi hi a santlaihlonak asi tiah ati ve.

US President Trump struggles to unite country as he launches reelection  campaign

Thawngpang dang >>A tu lio RMCO chung ah Chin mi siizung kai lio ah siizung riantuan tu pawl nih report tuah ruang ah Palek nih siizung chung ah tlaih mi case 3 kan ngei cang. Nu pahnih le pa pakhat an si. Nu pakhat cu a kum tling lo mi a si a dang pakhat cu nau pawi lio( thla 7)mi a si. An tlaih nak pawl cu cozah siizung long te ah an si i an tlaihnak a ruang cu legal document hna an ngei lo ruang ah an si. Mah long si lo in siiznung ah immigration lei ah report tuah le kan in tlaih ter hna lai tiah siizung riantuan tu pawl nih an tlerh mi case hna zong tu kum chung cu a tam ngai. A hlei in Lockdown dih ah an zual deuhdeuh.

Chin Student Organisation | Hope for the Future

Mah kong he pehtlai in nizan ah ka hawile pawl Nuhrin covo lei a cawlcang tu hna le NGO hna he zan tlai tiang I ton biaruahnak kan ngei. Mah kan biaruah nak chung in thil kan i fiang mi cu, mah bantuk in ralzam le ramdang mi siizung ah tlaih le thleidannak hna kong ah hin mah siizung pawl i an hnu lei ah a fial tu pakhat khat an um ko lai ti mi lunghrin nak kan ngei. A ruang cu tangka pek kho lo ruang ah tlaih si lo in tangka pek ko bu zong ah tlaih thiamthiam a si tikah lunghrin ngai a si. A cheu siizung hna zong ah cun UN catlap um lo in operation te hna an kan tuah piak duh ti lo.

Mah bantuk harnak kan ton lio ah UNHCR nih le kan hal ning le thil kan duh ning in rian an kan tuan piak kho lo tik ah mipi caah a herh ning tein lam kawl a hau cang. Cu caah, ACR nih kan ngei mi case vial te cu kan fawnh dih hna i nizan ah Nuhrin covo lei a cawlcang tu hna le NGO pawl sin ah up dih a si cang an mah nih zong a herh ning tein cozah lei tuanvo ngei tu hna sin ah hal/nawlnak an tuah lai. A herh ah cun hluatdaw tiang ah chuah pi a si te lai. Chin mi caah himnak le luatnak Pathian nih rak kan pek ko hram seh! Thlacam zong in bawm hram hna usih. Credit:James Bawi Thang Bik

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

By Chuncha