President Trump nih Israel le United Arab Emirates he daihnak a serpi hna hnu ah Bahrain ram le Israel ram he daihnak a serpi than hna ahcun Noble Peace Prize pek ding ah a phu hrimhrim ko. A pek lo ahcun pumpak in an huat ruangah si lai. Bahrain zong nih Israel he daihnak ser dingah a tlangpi in a lungtling cang.

Bahrain King reiterates need for Palestinian state after Israel deal | Al  Arabiya English

Trump Noble Peace Prize laksawng pek an i timnak kong relchih:President Donald Trump cu Norwegian conservative Progress Party nih Noble Peace Prize laksawng pek dingah nominate an tuah Obama nak in pek phu deuh a si an ti Obama cu daihnak a tuahmi um hlan ah Noble Peace prize a co an ti Donald Trump nih Israel le UAE karlak daihnak a tuah khawhmi hrimhrim cu pek phu tuk a si an ti.President Trump lamhruainak thawngin nai ah khan Israel le United Arab Emirates (UAE) ram pahnih hna nih remdaihnak hnatlaknak an rak ngei cang, UAE hi Arab ram hna lak ah Israel he i pehtlaihnak tha ngeih a duhtu ram pathumnak a si.

Trump announces deal between Bahrain, Israel to normalize relations in push  for Mideast peace - Fox News - Newsfeeds

Cuhlan kum 1979 ah khan Egypt nih Israel cu remdaihnak a rak ngeihpi, ahnu kum 1994 ah Jordan nih Israel cu hawikomh ah a rak ser khawh ve cang.Christian Tybring-Gjedde nih a chimning ah “Peace Prize rak co tu vialte hna nak hmanh in President Trump nih ram pakhat le pakhat karlak ah daihnak a um khawhnak hnga ai zuam deuh” tiah a chim i UAE hnu zulin ram pakhat le pakhat kar ah daihnak a um khawhnak hnga asi khawhchungin izuam ai timhnak a chim.US ram hi November 3 ah President thar thimnak ngeiding an si, Donald Trump hi term 2nak President peh than dingin Republican party in a dir than, Democrats party lei in Joe Biden cu President i cuh ve dingin candidate asi ve.

Donald Trump: A Second Arab Country Signs a "Peace Agreement" with Israel -  Morocco Local and World News

Thawngpang dang <<<Bawlung kum an hun thawk cang i France League 1. ah PSG le Marseille an chuih ah an i vel hna i minung panga Redcard an hmu. Cun PSG 0-1 in an sung.Leandro Paredes nih Dario Benedetto a zuan hnawh i a thluk caah Yellowcard pahnih veve nak an hmu i chuah an si. Cu kong an i el hna lio ah PSG hnukham Layvin Kurzawa aa sum kho lo i Kung-fu a hman caah chuah a si ve. Amah he aa nammi Jordan Amavi zong Redcard a hmu ve.Cuti minung pali an chuah hna lio ah cun i sik cu an ngol lo i a thlite in Neymar nih Alvaro Gonzalez cu a tukbakhur ah a thongh. Mah cucu bualupa nih a hmu lo nain VAR an zoh tthan tikah a lang. Cucaah Neymar cu an chuah ve. Journalist nih a ruang an hal i “Racist a si caah ka thonghmi a si, a hmai ah ka thongh lomi kha kaa chir,” tiah Neymar nih a chim.Phaisa liamter lawng si loin caan zeimawzat cu bar (chuihter lo) an si kho, an ceih rih hna lo. VG/ Sport1

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha