Mitampi nih i fiang huaha loin kan chim tawnmi cu tutan cu Trump thiamthiam a tliang than ko lai, Kum 2016 lio zongah khan polls ahcun Hillary Clinton nih a tei tuk ko nain thimnak taktak ahcun Trump nih a tei ko. Silent majority vote pawl kha an hung chuak lai I Pathian fapa Trump cingcing asi ko lai kan ti hna. Kum 2016 lio poll umtuning kha thatein research vun tuah than ulaw apalh hrimhrim lo. Poll an tuah tiang I an boruak kha cu kap hnih nih tan an lak a herh zia a hmuhsaktu bantuk menmen khi a si. US president ithimnak I a biapi tukmi le a dihdonghnak mipi biakhiahnak tuahtu cu debate hi a si.

US election 2020 | Trump vs Biden: Where they stand on health, economy,  more- The New Indian Express

Hillary Clinton nihkhan cuhlan US presidents dang pawl an I debate ning pungsan ah Trump kha ai ruah sual ciammam i a nih Trump tu cu WWE le show dangdang ah biachia kha le mipi he biaal a rak thiamtukmi si cang kaw Hillary nih a policies le mipi uar nak dingin a chim lio ah Trump nih cun a policy langhter lemlo in, Hillary a email leakout mi le a Secretary of State a rak tuan lio i a daithlannak kong pawl in mipi sopaw kho ding lakin a biachim lio hna ah “thong ah kan thlak lai” a rak ti mi pawl nih Swing States I mitampi nih Hillary an rak zumhnak kha an rak mertak. A email leakout kong le Sec a rak tuanlio i a rak daithlan ruangah thil cangmi pawl vun phochuah piak mi nih mipi lung a hminh khawh lo pin ah Trump ziaza le kal phung kha thatein a rak ngia hmasa lo I midang bantuk ah ai ruah sual caah Polls pawl tiangin lih ah a canter dih kha asi.

Voters want Trump vs. Biden matchup. Here's what Arizona voters think

Tutan zongah Joe Biden nih Hillary Clinton bantuk in Trump kha mipangai pungsan ah ai ruah sual ve citcet ahcun thalo lakin Trump nihhin Biden hi a tei te hnga. Trump hi negative attack a thiamtuk mi asi caah a min hmanh in Joe Biden hi a au te lai lo “Sleepy Joe” ti bakin a auh te lai. “Na ngam ahcun drug test kan I tuah lai” ati te lai “Kum 42 renglo politics nai celh ve i ze hlawntlinnak dah na chuahpi bal mi aum?” ti hrawng in le “Make America Great Again” Joe Biden nih hin a policy le a mipi nih an zumh khawhnak ding kong lei phak deuh in a kam phawh hi a kal sual citcet ahcun a lo kho, a caah cun cukong cu chim caan asi hnga lo, Trump bantuk bakin a sinak um ek bakin Trump kha a mual a pho nak ding caan tu asi.

WATCH: Biden slams Trump for "disgusting" smear of American military heroes  | Salon.com

Joe Biden caah cun tutan cu caantha bak asi. COVID-19 in na kan thah dih, Russian le Ukraine bawmhnak a thli tein na hal, kutdok hmanh nih Tex an pek lio ah na pe duh lo, sipuaizi ah na sung cikcek hoi hi na hmu maw?, US President na tuan chungah buainak lawngte na chuahpi I nanmah Republican minung tampi hmanh nih an in rem ti lo hi nai theih maw? Nu tlaihhrem hmang pa? tiin a zahnak le thlachiat ruahnak um lo tein mipi an au lulh khawhnak hnga “Make America Virus Again” ti hna i a biachim lio ah a rak au hnawh ve a hau hnga. America president I thimnak ahhin mipi nih a ho deuh dah kan vote lai timi an biakhiahnak a donghnak cu an I debate nak cungah hin ai hngat caah a biapi tuk debate hi. Tutan debate hi Trump tanbo Fox News in Chris Wallace cu moderator asi lai I Trump caah cun caantha a si ngai te lai.

Biden leads Trump in Wisconsin, new poll says

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

By Chuncha