Raltuknak drone thar, 5th Generation stealth fighter jets, ralkap thilri tampi a phur khotu vanlawng le Russia ser air defenses pawl nih China’s Air Force hi a thawnter ngaingai cang. A ngaingai tiah cun, cu vialte thazaang cu raltuknak kong a suaisamtu US officials pawl an lungre a theihter ngai cang hna. The People’s Liberation Airmy Air Force ah hin raltuknak vanlawng 2,500 ai ngeih i, a pathumnak a si, tiah Pentagon’s 2020 China Military Power nih a chim. US lei nih an lungre an theihpi mi hi Chinese Air Force a lenghfak kong lawngah si lo in, a tha taktakmi technical an tuahtamh chap ning le mission tampi kalpi kho dingin raltuk an cawn khawhmi ko hi an lungre a theihpi ngaimi a si cang. Bianabiaah, China nih hin a tha taktakmi Russia ser S-400 le S-500 air defenses pawl ai hman hna.

Image may contain: airplane and sky

Kum 2 chung vial lawngah Air Force Stealth Bomber an ser .Hi bomber hi vawlei cungah a thabik pawl a si i, network bunhmi digital computer pawl an bunh, a thawng taktakmi computer an hman, ral vanlawng an rat le rat lo hlathlai khawhnak zong an bunh. Kan air defenses nih hin stealth aircraft hmanh a tlaih (hlathlai) khawh, tiah Russia nih an chim. Cun, hlamhlatpi tiang khahkhawhnak lam an ser chapmi pawl kong zong hi lungretheihpi tlak ngaingai a si fawn rih. Chinese Y-20 cargo vanlawng hi tank a phurtu vanlawng a si i, hi ko nih hin an raltuknak vanlawng pawl hi a let in a thawnter deuh hna. US Air Force nih an i ngeihmi tank phurtu KC-46 hi C-130s he cu an dang ngai ko nain, a ngantukmi Y-20 vanlawng hi tank phurtu lawngah vun thlen dingin cun a harsa ngai ding a si.

Hi vanlawng nih hin fawitein Taiwan hi a dohter khawh hna lawng si lo in, China titlaang in South China Sea lei tiangin China ralkap pawl a pongh khawh luaimai hna lai. China vanlawng tamdeuh nih hin cu voikhat zuan an i thawh lawng vial hmanh ah khin Taiwan hi an kah khawh lawng si lo in, raltuk an cawnnak hmun hi an kauh luaimai chinchin cang caah, ral pawl an sining ngiatthlainak siseh, cun Taiwan ram cung (sky) i an vanlawng pawl an vung zuan tik zongah khin target pawl hlathlai khawhnak caan tamdeuh in a ngeihter khawh hna lai.

Image may contain: airplane and sky

US F-35 nih Laser Hriamnaam Tuahtamh a timh:Tank tiangin a phur khotu vanlawng an hman khawhmi nih hin China’s aircraft carrier a thazaang hi a thawnter deuh ngai fawn lai – lamhlapi tiang khah khawhnak thazaang a ngeihter pinah, rili cung raltuk tik zongah tampi hmual a ngeihter lai. Cu bantuk in thazaang an ngeih tikah cun, ram chung lawngah hman dingin an tuakmi J-31 stealth fighter a phurtu carrier pakhat zong an ser khawh chom ding khi a si. J-31B hi 5th Generation stealth fighter a si i, rili ah raltuk khawhnak thazaang ai ngeih, US ngeihmi F-35B le C bantuk a si lo, tiah China nih an chim.

Hi ruang ko ah hin, US zong nih tuchan he ai tlaak in a Air Force thazaang hi tampi tuahtamh a timhnak hi a si. Kan vanlawng tampi hi an hlun ngai cang i remhsiam ngaingai hau an si lawng si lo in, vawlei cung khuazakip ah kan chiahmi kan commanders pawl nih an duhher zat in vun pekchanh le tuahpiak awk ah kan i ngeihmi kan Air Force thazaang hi a zatawk hrimhrim ti lo, tiin US senior Air Force hruaitu pawl nih an lungretheihnak an langhter. Kan ralkap phu hi 386 tiangin kan karhter ah a tha, tiin Air Force lei lubaan pawl nih halnak an tuah hi kum tampi a rau cang.

Harvard, MIT sue Trump administration over student visa row, seek temporary  halt to rule on foreign students

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi cu a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha