Oneness cawnpiaknak hi hlan AD 153 hrawngah cawnpiaknak diklo, pialsual a si, tiah an rak ruah mi Patripassianism he ai khat ngai. Patripassianism sullam cu, Pa Pathian zong vailam cun ah nganfah a tuar ve tinak a si. Phun dangin kan chim ahcun, “vailam cung ah Pa Pathian a thi siloah Fapa Jesuh he nganfahnak an ing ti i a thi ve” ti khi a si.

An cawnpiaknak ah, Pathian hi pakhat lawng a si i caan dang cio in phun thum in ai lang: Pa Pathian kha minung tiksa a van i langh (incarnated) tikah, Fa ah ai cang. Thihnak a in in thawhter than a si tikah, Thiang Thlarau in ai lang than an ti. Hi bantukin cawnpiaknak dikcakloa chuah tikah, Justin Martyr, Tertullian, Origen, Athanasius le Chrysostom hna nih AD 153 ah tatchat lawmawh in an doh.

Bible nih a kan cawnpiak mi lu lu khat ah minung pathum (Trinity) a si i an dihlakin sinak aa khat mi an si. Fapa kha Pa Pathian he ai dang bak in a chim (Heb.1:8)
Cun 2 Korin 5:19, 21 “Pathian nih mi vialte kha Khrih thawngin hawi ah a ser hna, ti hi a si. Pathian nih an sualnak kha anmah sual phawtnak ding caah cazin chungah a khumhpiak hna lo i kannih cu a hawi i a ser hnanak bia chim kha a kan fial. “”Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai. ” Cun Luke 23:34 ah cun, “Vailam cungah Jesuh nih Pa Pathian sinah thla a camnak kan hmuh.” Hika zawn ahhin “Jesuh hi amah le mah cu ai chawn in amah sin lila ah thla a cam lai lo dah???

Credit: Vazun Vazun

By Chuncha