Hringtu nu le pa caah cun tuar a fah hringhran ko lai mu. Duh a nung saling le zohthla lio mi hmailei saduh thah piak lio mi le miphun caah san a tlai ding a si mi tlangval no te nih hi bantuk dam lo nak in mual a kan liam tak hi cu ngaih a chia hringhran.

Atu a kan liam tak mi a min hi Tlangval Lalrinmuana (Kum 17) Pu Lalrinenga le Pi Lalmuanpuii hna i fapa Chhippui khua, Mamit District a si tiah theih a si. Nizan Mizoram tanghra HSLC result a chuak mi ah khan a awn/pass ve mi ah a tel ve i, nihin May 14, 2020 ah Thisen Cancer damlo nak in a thi tiah thawng theih a si. Amah hi an fapa ngei chun te a si tiah an chim tikah tuar a har khunnak cu asi, hi bantuk result tha a chuah lio caan i hawi an i lawmh lio caan ah thihnak darking thawng vung theih cu minung sinak in tuar khawh a har hringhran lai. Akal tak mi a nu le a pa siseh, a chungkhar caah thlacam bawm ko hna uhsih.

Ref: MWN

By Chuncha