FALAM SURBUNG AIRPORT: Tulai kan Falam Politics tuahtu mi hrekkhat pawlin Surbung Airport hi NLD Party ih tuahsak mi a si tin Mipi Virus thunnak le Vote hawlnak ih hriamhlei pakhat ah hmangtu tla kan um. Ataktak ah kan Rel a sile Falam Surbung Airport hi NLD sanih tuahthok mi a silo. 1974-1978 kum Pituh Party Council san laiah Lt. Col.Pu Kap Cung Nung le Dr.Ni Khuai ect pawlih hohanak thawn in tuahthok zomi a si.

Culai ih Chin State Ukawknak lam ih thuneitu Hlubik kaitu cu Falam Peng Zawlpi khawmi Lt.Col.Pu Kap Cung Nung a si.Cun a bawmtu cu Dr.Ni Khuai le Falam khawnu/khawpa pawl an si. Falam Surbung Airport le Pu Kap Cung Nung,Dr.Ni Khuai,Falam khawnu/khawpa tivek cu ziangtik hman ah ṭhen a ṭheih lo ding. Anmah pawlin hram an toh hmaisa lo ta sehhla tuvek ah Falam Surbung Airport cu hitivek dinhmun ah kan thleng hrih lo ding zum a um.

Hrekkhat tla cun Surbung Airport thu rel tikah hramthoktu Pa pakhat ah a tel vetu Lt.Col.Pu Kap Cung Nung ih hmin hman ngan kan duh lo.Rel kan duh lo.Athup in thup duh tu khal kan um lai cuteh!!Cuvek cu thuanthu thudik fehdan a silo. Cun san a her vivo ih lehnu 2010-2015 kum sungah Chin Party ihsin CPP in a hlan ih Pu Kap Cung Nung,Dr.Ni Khuai le Falam khawnu/khawpa pawlih hram an thokmi Falam Surbung Airport cu nasia takin an hnor beet sal.

Cun 2015-2020 kum khalah Kawl Party Burma NLD sungih ummi NLD khal in Chin Party CPP ih dil cia mi cu thlun in an dil bet sal ve cuih an dil beetsalnak vekin Rampi uknak lam khalin Surbung Airport hrangah ti-in a ṭul ding mi Budget cu an suahsak a si.

MIPI IN KAN THEIH TUL MI: (1)Falam Surbung Aiport hi Kawl Party NLD paisa in tuahsuak mi a silo.Rampi mipi paisa hmangin tuahsuak mi sawn a si.Curuangah NLD ih tuahsak mi Surbung Airport a si tivek kha rel ding a silo. (2)Ziangvek Sihte a cozah kai khal le Airport cu a tuah ding mi a si.Asan cu Airport timi cu rampi a cozah ta a si ruangah a cozah ih a tuah hrimhrim ding mi a si.

(3) Cun Surbung Aiport hramthoktu Pakhat a simi khalai ih Chinland kai hruaitu Lt.Kap Cung Nung khal cu “Kawl Ralkap”ihsin Chinram kai hruaitu ah a cang mi a silo. Chin Ralkap (Chin Battalion) ihsin Chinram kai hruaitu ih cang mi a si. Ṭong dangin kan rel a sile Surbung Airport cu
” Chin” timi ” hmin” hram bumnak ihsin tuah thok mi a si. Credit: Ngawn Thuthang

Tui’ Chin State CM tuantu Pu Salai Lian Luai cun Surbung Vanzam tum tual kan ngah thei dan thu thawn pehparaw in amai hmalaknak liolio a si thu a rellang. “Myanmar president zungpi ah ka au-aw (record) a khawk in a thang ruangro. Surbung thuhla hi ‘keimah keimah’ an ti si, hihi thudik ziangvek asi tin 2-8-2020 zaan ah suhnak a um. Himi thu ah Falam hmuahhmuah mah le tithei tawkin kan tang cio. Nuhmei tiangin arti le arkhai thawh in tanlak asi. Bulpakin keimah keimah ti’n ka rel dahlo. Asinan suhnak a um ruangah ka run rel.

Lt.Col Kap Cung Nung in a thok. Falam khawnu khawpa pawl ih tanlaknak pawl, bulpak tanlaknak pawl, hluttdaw lam thawn tantlangnak pawl cipciar zetin a run rel hnu ah. Tamadah zung ih finance commission thurelnak ah tangka billion 37 (Kyats 37,000,000,000) cem ding a si tlunah ngahsalnak lam um loin acozah in a sung rori ih tuahsak ding asi ih sumpai um lo ruangah tuah lo dingin an relcat thu in sim. Asinan ka ding ih, “Cuti asile NLD in thangso lo ram le thangso ram pawl bangrepin kan tuah ding nan ti si, nan tuah lo ding asile nan policy nan thleng a tul,” tin ka au ciamco. Daw Aung San Suu Kyi a ding ve ih thinheng zetin, “Party policy khal kan thleng thei lo, acozah policy khal kan thleng thei lo, Laitlang hrangah ziangzat sun a si khal le tuah uh, tangka hawl uh, pe uh,” a ti.

Finance minister in, ‘himi thu ah keimah lawngin ka timi a si lo, kan relkhawm VP2 khal a tel, tuanpeh theinak dingah 200 million ka lo pe sung ding,’ tiah in ti. Kum cem lamah ting 50000 in pe bet. Cutin tui dinhmun kan thleng theinak a si. Hivekin thu rel theitu tuini tiangah zohman an um lo. Keimah lawng ka si. Tamadah zungah meeting thurelnak zuk le aw record thluh a si. Cui record ah ka au-aw a khawk in a thang ruangro.” (Hi thu hi Pu Lian Luai ih anka Pu Ngun Thawng in a post mi kan lak sawng a si).

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha