European Parliament nih Aung San Suu Kyi cu Rohingya hna sin i ralkap cawlcanghnak sual a phawtduh lo i Kawl ralkap a tanh ruangah ‘Shakharov Prize Community’ chungin hlonh thlek a si tiah an thanh.European Union Assembly nih hin Myanmar ram Democracy campaigner hlun Suu Kyi hi kum 1990 ah khan Human Rights upatnak laksawng sunglawi ‘Shakharov Prize‘ an rak pek. Hi laksawng hi chuh than khawhmi a silo ruangah Shakharov Prize Community in hlonh thlet a si.

The European Parliament presidency conundrum – POLITICO

Myanmar nih Kawlram map chungin Rohingya khua a hlonh thlet. Aluancia kum thum lio i Myanmar ralkap hna nih Rohingya khua, Kan Kya an khangh an thehpiak mi cu kan hnung kum 2019 ah khan cozah ni Myanmar official Map chungin a hlonh tiah United Nations nih an langhter. Kan kya hi kawl ralkap nih Rohingya pawl an buaiban hnawh mi khuate 400 lak I khuate pakhat asi,kan kya khuate hi bulldozer hmang in theh a si I a tu ahcun Cozahbuilding le Ralkap sakhan dirhnak ah hin hmun hi hman asi tiah theih asi. Credit :CBN news

Aung San Suu Kyi, the Ignoble Laureate | The New Yorker

Thawngpang Dang <<Bible ca chungah, 1. Biakam Hlun, 2. Biakam Thar
3. Ara Lai mi caan, Ti in, tthen 3 in caan a um i, a tu kan hman lio mi caan hi Biakam Thar caan asi. Kan mi Hlun sinak in Mithar si awk ah kan ni thlen lio caan asi.Cu ve bantuk in, Chin mi nih kan ni ruahchan mi Mah te Uk khawhnak, Zalonnak le Thanchonak hmuh dingah, Ai zuam cuahmah mi cu NLD hi an si. Hnu lei kan kir than nak hnga lo, kan Pi Daw Suh le Kan Pu Henry Van Thio hi mee pe rih hna uh sih. Catialtu: Peter Ngun Za Cung

Nihin cu Yangon – Naypyidaw – Kalay Vanlawng in Midamlo kan pa ka va thlah. Ruah lo pi in kan i cit mi Vanlawng pi ahcun kan pa Jessy pa(VP) Chinram a tlawn ding he aa tong i, Naypyidaw kan phak in hmaibik ah a hung phan. A luh hlan ah zulhtu upa pawl an hung lut hmasa i, ka pawngah Police lei upa a hung tthu ve.

Vanlawng cung i khua ka ruah mi cu Chin mi pakhat nih hi vialte upa hnuzultu a hung hruai hna hi sawhsawh cu a si hrim lo. Pathian chiti thuh timi hi a rak um hrimhrim hi ta timi ka pemh chin chin. Vanlawng cung in Kawlrawn pawl piang rirel in ka hung zoh pah hna. Hi Kawl pawl an thingram an vawlei zong tawlrel khawh ding in VP sin nawl a petu hi Pathian pei a si ko hi timi ka hmuh fiang rih.

Dingthlu lairel Pathian nih a thim mi hna hi cu sawhsawh an rak si hrimhrim lo. Van lawng ttum a za cang. Mipi khual tlong an hung ttum diahmah. Kan midamlo tawlrel a herh ve tikah VP zohkhenhtu kha ka mit te in ka vun zoh. Ka tthu rih. A mit tein va ttum pi hmasa u timi sullam khin a hung ka zoh caah ka ttumpi. Kan pa VP bel cu chawnh a ttha lo, dongtu an khat caah kan lamte zawh in leng kan hung chuak. Ka ruah ngaimi cu “dinnak” timi kha ti hal bantuk in a hal mi cu Bawipa nih chiti a thuh ko hna timi le nihin Chinram hruai tuah ve ning aa timi MP aa cuh mi hna hi Pathian chiti thuh mi si hna sehlaw zei tluk in dah a tthat hnga? timi khuaruah he tuzan lei ah cu Vanlawng in Yangon ka hing kir tthan. Catialtu: Khua Kam

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha