Myanmar Idol Season -4 Winner Esther Dawt Chin Sung mipi le Fan meeting cu kan theih cia bantuk in February 28 ahkhan Golden Inya Restaurant Yangon ah an tuah. Esther cu amah a duhdawt tu hna pawl nih an I thawh khawmhmi chungin Honda mawtaw tha taktak mi cu Surprise laksawng an pek.

Caan zei zawzat an hmang hnu ah a mit an chim ter I thil mansaung laksawng an chuahnak lei ahcun an kal pi i, mah puan chung ah hin thil a um i mah cu mawtor car na tongh lai tiah an ka ti i,keimah ka ruah ning ahcun mah laksawng hi Mawtaw a hme mi a si lo ah thil a hme mi a si ko lai tiah ka ruah, a si nain pakhat deuh ta cu ka ruah ning a rak si ve ko, na in a hnu an ka tonghter mi kha ka ruahchan tuk lo mi thil bak a si ko, kaa lawmh ning hmanh hi a chim zia ka thiam lo tiah a chim.

Esther a biachim a fim ngai nak cu Idol ka rak zuam in hlasak lei ah a chim tu a saya/mah hna cungah a lawmhnak bia siseh, alam kip in nan ka bawmchan ruangah mipi nih na kan dirkamh ruangah hi Winner hi ka rak hmuh cang pin ah phaisa tampi nannih thawng in ka hmu, inn na kan pek fawn cang i, hi bantuk mawtaw hna hi laksawng na kan pek lai cu ka ruahchan ngam ti lo mi asi, hi tluk in dawt awk a tlak lo mi nan ka dawtnak hi kei ka caah a sunglawi hringhran mi asi tiah a lawm tuknak mipi sinah a chim hi duh a nung ngai nak a si.

Thil hmete a ruahchan mi cu thil lianngan tuk ah a cang ia, lawmh lo awk hi a rak tha hrim lo, kum thum chung an mah idol kuttang ah um zongah a phu bakmi a si ko, a ruang cu kumthum chungah tampi thanchonak le himnak a hmuh ve lai pinah suingun chawva lei zongin a hmuhmi a rak um lengmang lai. Kanmah Laimi lawng hlah anmah Kawl mipi hrim nih an rak uar tuk i, thil tha tampi in an sungsak, hi tluk uar mi ngei le dawtu rak ngei hna hi mi vantha ngaingai kan rak si. Esther hi Bawipa nih a cawisang hrim ko ti hi a lang ngaingai. Hmailei a karhlannak ah thlacam tu bawm ko hna uhsih. Miphun cawisang tu si chin ko seh.

Myanmar Celebrity TV

By Chuncha

Leave a Reply

Your email address will not be published.