Esther Dawt Chin Sung Dem Hlah Uh Si: Kan farnu Esther tuitum thil tuahmi thu ah online ihsin nasaten soisel atuar. Esther in a nauhak lai ih hlasak zirhtu upat pek in tangdawrnak langter nak thawn kawl nunphung dan in atuah tiah kei cun ka hmusak thiam. Ruahnak kan bang awk cio lo ding.

Image may contain: 5 people, people sitting

Milem hmai ah nan kun lo ding tiin Bible nih ati titu kan um ding. Adik! Amah lawngte siangpahrang cibai buknak an tuah tikah amah upat nak ah lu an kun ringring cumi cu an biak tinak asi cuang lo.

Ka relduh sawn mi cu Myanmar Idol ah Ester le Benjamin Sum ruangah Chin mi Kawlram mipi in a thei cuang ti sehla kan palh lo ding. Very talented veve an si ih mipi lam in soisel rero hnak cun thazang pek in kan sawmdawl sawn cio pei uh. Esther khal tuitum thiltuah ihsin zir ngahmi a nei ko ding tiah zumnak ka nei. Credit: David Nun Tho

Image may contain: 3 people, people standing

 

Myanmar Idol Winner a si mi Esther Dawt Chin Sung nih kawlhla sak a chimtu nu sinah anmah Kawl nungphung in upat peknak a tuahmi kong ah Laimi biatka nih a kan buaiter. Kan buai taktak, Kawl a biak tiah tam tuk nih comment an pek, a biak a si lo, a upatmi a si ti zong tamtuk nih comment an pek ve. Pakhat le pakhat i elnak fak ngai in a chuah ter i, mipi tampi lungthin nuam lo in a kan tuah dih viar.

 Laimi kan zia theo hi cu kanmah ko, kan hmuh ning hna hi a niam tuk bia maw a si lo le mi pakhat a lar mi hna tang ah thlak dah kan duh bia hna a si, khuaruahhat ngai miphun cu kan su ve ko. A herh lo in mi pakhat pumpak fak tuk in soisel le doh a hmangmi kan si rua ti zong hi ruah a phu ngai cang. Pumpak kan i soisel le kan dohdalh mi nih hin zeital a miak a um hme maw ti zong ruah ding a um ngaingai. An caah zeital thatnak kan tuah khawh lo hmanhah a dohdalh tu le a soisel tu si lo ding hi kan in zuam cio ding hi a si.

 

Vawlei cung ahhin minung a ho hmanh a tlamtling mi kan um lo timi kan theih cio ko nain mah sualnak le mah thiam lonak le mah sining i hmuh tung lo in mi nu mipa zeitin dah an thang kan chiat hna lai timi kan tial cio mi hi a tha ah maw kan ruah cio ko, mah hi cu a tha lo hih tiah kan ruah mi a si ahcun amah tu kha tha tein hi bantuk thil na tuah na chim mi pawl hi a tha lo hih, hmailei ahcun tuah ti hlah, um ti hlah ti bantuk in kan i dawt taktak i kan siaherh ko ahcun i ti ding khi kan si ko. Minung pakhat thil a tuah mi cungah amah tiang a nung hrawh khotu a si sual ding bia le hla hna kan tial tamtuk ding a si lo.

A si khawh chung in a fiangternak ca atang i hmanthlak le ca khi rel law thildik na fiang ko lai. Esther Dawt Chin Sung nih fiangte in a chim, cu zong cu kan theih thiam hawi lo i, phundang in kan chim ceih piak hawi. Biak timi le Upat pek timi hi athlei dan zia thiam hna uhsih. Amah ka biakmi a si lo, ka upat mi a si, keimah cu Pathian long ka biak tiah a chim mi hi ahmang mi ruah piak thiam ding hi a si.

Image may contain: text that says '2:47

 

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.