President sikhawhnak lam lai a reltu hi national popular vote a si lo; Electoral College tu hi a si deuh. Electoral College (EC) hi US i vote peknak kongah ruahlo piin thilsining a khupthal a lettu a si peng ko rih. Popular vote nih hin cun Congress minung, mayors, governors, state legislators le a dang pengkulh officials pawl lawng hi a thim deuh tawnmi an si. Cucaah, PV nih hin cun ram chung i a sangbikmi President sikhawhnak kong hi lai a rel kho taktak lo.

How Does the Electoral College Work and Why Does It Matter? - The New York  Times

Candidate pakhat President si kho dingin biachahnak a tuahpiak khotu taktak cu Electoral College (EC) lawng hi a si. American mipi nih ballots an thlaak tikah hin, a ngaingai ti ah cun, anmah le an state cio ah a ummi political party nih an rian an khinhmi minung pawl lawng vote an pek ah a cang tawn. 539 in buan co khawhnak dingah cun states sinin 270 votes hi candidate paoh nih hmuh an herh caah, states pawl hi biatak te i an i hmaithlakmi a si zungzal. Cucaah, EC hi a biapittuknak hi a si. โ€œVa si sual pingpang ah tehโ€ timi lungretheihnak tampi hi EC nih a teiter khawh fawn hna.

All the times in U.S. history that members of the electoral college voted  their own way - Los Angeles Times

Relchap>>> Electoral votes ah hin i tluk khawh a si caah, election ah hin i tluk a um kho ve ko. Electoral College ah i tluk a um ah cun, biachahnak nawl hi House of Representatives thutdanh a tingcomi kut ah a um lai i, state kip nih an vote mi cu unit pakhat ah ai hman ve lai.Hi kong hi Constitution ah cun a dikdiar in langhter a si lo nain, state kip aiawhtu phu nih cun an duhmi candidate kha vote an pek lai, tiah Yale University ah law le political science prof. a si mi Akhil Reed Amar nih a chim. State aiawh phu lak nih vote an pekmi zongah an i tluk ko rih a si ah cun, state vote hi san a tlai ti lai lo. Candidate nih buan a co khawhnak dingah cun a tlawmbik vote 26 a hmuh a hau. A tutiang ko rih ah cun Republicans nih 26 state delegations ai uk rih hna i, Democrats lei nih 22 ai uk ve hna.

Poll: Biden's national lead over Trump jumps to 14 points after debate

Pennsylvania belte nih Republican le Democrats delegates ai zat veve in a ngeih hna. Michigan nih cun Democrats 7, Republicans 6 le independent 1 ai ngeih hna. House seats vialte hi election kong lai a reltu a si caah, Nov. 3 thimnak a khupthal a let khotu taktak cu hi state delegations hi a si. Vice President kong i biachahnak belte cu a thar in thimmi Senate kut ah a um i, senator pakhat cio nih vote an thlaak ding khi a si. A donghnak ah cun, cu ti vote an thlaknak kongah buaibainak hna a um pingpang belte le, Supreme Court ah an langhter te lai.

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha