US election hi thla 2 te lawng ai duh cang i, Covid-19 nih ram chung community kip a hnursuan hna caah, vote thlak ding i tiktu le caan a phaak tikah kan mipi pawl harsatnak tete an tong sual lai ti lawng ka phang. A tu lio i kan ram ai thenhmal ning le kan election results a chuahnak dingah zarh tlawmpal te lawng ai duh cang fawn tikah, ram pumpi cuul in buaibainak a tlung sual lai, ti zong ka phang ngaingai.

Tutan election hi cu cuhlan election bangin business muisam a keng ti lai lo. Kan democracy rumven dingah tuanvo kan ngei cio hna. Ka chim duhmi cu, mipi pawl minpek le vote pek nak kongah kan bomhchanh cio hna a herh. Tutan kan election hi zeibantuk in dah a dongh te lai hi aw, tiin lungtuaitamnak vialte hi kan tumhthlak khawh i, thatlonak le buaibainak a chuahter khotu thil vialte zorter dingin karhlannak kan tuah a hau.

Mark Zuckerberg e Sean Parker discutem em boate sobre a parceria do  Facebook com o Spotify | Artigos | TechTudo

American tuanbia chungah hin, vote peknak campaign he pehtlaiin Facebook hi a nganbik a si cang. Register tuah dingin le vote pe dingin Facebook mi bomh a timhmi hna hi 4 million an si. Ni 3 chung i Voter registration websites a zohtu hi 24 million an phan cang. Kan vote peknak inn le lo caah, tiin kan states le local county pawl a dirkamhtu non-partisan phu pawl kut ah kan nu, Priscilla, he $300 million bomhnak kan pek cang.

Tuchun zongah, karhlannak thar kan tuahchap mi a um. Cucu, vote pek ning dirkamh, cozah lei nih thawng an thanhmi pawl mipi sinah theihternak tuah le thawngpang diklo pawl doh hi a si. A tu bantuk i thilsining tete kan thlennak a ruang cu, a liamcia kum 4 lio i election a umtuning zoh in kan tuah hi a si. Cun, voting rights kong i mifimthiam pawl le kan civil rights kongkau cauk in a tialtu hna he biaruahtinak tete kan ngeihmi chirhchan in thilsining kan thlen hi a si.

Mark Zuckerberg Has Sold 1.6 million Shares of Facebook Worth Nearly $296  Million in August - Sputnik International

Election ni a phaak hlan chung paoh cu, Facebook le Instagram a cunglei zawnte i kan Voting Information Center zawn ah khin a nichiar chuak in zumhawk a thlakmi thawngpang paoh cu kan taar (chiah) ko lai. Mail in zeitindah vote nan pek lai, timi kong siseh, cun nan state cio ah register le vote pek te dingmi ni le caan zong video in kan chiah chih lai.

Final Campaign an tuah zarh chung khi cu, politic le issue ads a thar in khumhmi paoh cu kan phih te lai. Kan campaign hi vote thatein pek khawhmi campaign muisam keng bu tein a tlaangkawm hi thil biapi ngaingai a si. Biaka thalo khamnak siai thabik cu biatampi chim hi a si ko, tiin ka zumh. Asinain, election a donghnak ni hrawnghrang ah khin cun, bia le hla thar kong vun ceihnak dingah caan nih a deih te hna lai lo. Cucaah, election he ai naihbikmi zarh chung ah khin, political le issu ads thar paoh cu kan cohlang ti lai lo. Cawngiatu (advertiers) pawl nih hin election hlan a zarh khatnak tiang khi cu an ads hi an hman khawh ko lai, asinain, kan Ads Libary ah published piak an si te lai. Cucaah, fack-checkers le journalists, nan va si pek ah, cu nan ads pawl cu ahopaoh nih an bihzoh khawh te lai.

 

Voting kong i thawngpang diklo pawl hlonh dingah election officials pawl he kan riantuannak kan kauh chinchin te lai. Campagin hnu nazi 72 chungah an tuahmi polling a dirhmun kong he pehtlaiin bia diklo mi an chimmi pawl fenh le hlonh dingin kan state election tuanvo a latu pawl he zong rian kan tuanti. Tutan election nih hin tuante in vote a petu an va tam ko zongah, a tu tein vote pek khawhnak lam on kan thok cang i, election a result fiangtein kan theih khawh hlan chung paoh cu caan kan sauhpiak ko hna lai. Zeibantuk vote pawl hi dah a dikmi an si, timi kongah state election officials pawl he biaruahnak kan ngei kho cang.

Mark Zuckerberg's 'new rules' for the internet happen to benefit Facebook

Thawngpang diklo le tih a nungmi thil paohpaoh zapi theihin a lar hlan ah, Messenger in ralrinpeknak kan thanh hna lai i, cu ti cun a si khawh chung in zorter kan i zuam cuahmah. Election kongah thawngpang nan i thanh chin (share) khawh ko lai, asinain, caan caan khat chung i chatting in mesesage na kuat lai, mi belte cu rii kan in khiahpiak te lai. A tu bantuk biapi caan ah cun hi phung hi WhatsApp ah cun a takin kan hman cang i, thawngpang diklo pawl ramdang sin thanh chin kho lo dingin khampiaknak dingah cun hi kan i hmanmi lam hi a hmual a rak ngei ngai, ti hi kan fiang colh.

Vote petu pawl nawlngeihnak policy zong kan chap. Vote pek dingmi ni le caan dik lo in midang sinah thawngpang an thanhmi pawl zong kan hlonhpiak hna – cu bantuk thawngpang dihlo nih cun vote petu pawl an vote pek khawhnak caantha hi an sunghter khawhmi hna a si. Bianabiaah, election ni a dih hnu ni 3 hnu tiang zongah Mail in vote na kuat khawh ko rih, hei ti bantuk te hna khi a dik bak lo mi thawngpang a si. Mail in kuat cangmi lawng si lo in, a lut cangmi vote pawl lawnglawng hi election ni lawngah khin rel an si lai. “Driver license te he lawng tu kum cu vote na pek khawh, ti thawng ka theih” he ti bantukin vote pek nak kong i bia diklo thlahmi pawl kongah policy kan chap than rih. Zeicahtiah, vote pek khawhnak dingah a herhmi thil tuah na herh mi kongkau ah an in hlen te lai.

 

COVID-19 a um tung le vote pek zong tih a nung, tiin thihphaihnak bia an chimmi pawl doh dingin phung le phai kan ser. Vote peknak ah pumpak in na kal a si ah cun, COVID-19 nih an tlunh lai, tiin ca an tarmi pawl zong kan hlonhpiak hna lai. Cun hi bantuk catlang paoh cu ads chung zongah taar kan onh lai lo. Tutan election hi a hleice ngaimi a si caah hin, tluangtein vote peknak lam tampi a um ko, timi thawngpang dik mipi an theih hi a biapi hringhran. Cun, vote pek dingin mipi nih rights a ngeihmi hi COVID-19 i hman riangmang in thihphaih ding zong an si fawn lo.

Facebook Gives Workers a Chatbot to Appease That Prying Uncle - The New  York Times

Pulrai a tlun caah hin mi tam u hi cu Mail in vote pek kan hau te lai i, cun a cheukhat state pawl cu election hnu lawngah hin an vote an rel khawh te hnga i, cu ti ning hna a si sual ah cun, election zaan tiang hmanh ah khin final result kan thei kho te lo kho men, tiin mifimthiam pawl nih chimchungnak an tuah. Hi thil hi a cang kho mi a si caah a hlankan tein timhlamhnak kan ngeih a hau i, final results an rel tiang zongah chimceihmi le duhlonak biaka chim le ceih a tam ngai te lai, ti kan fian hi a baipi ngaingai. Cu bantuk caan cu a buaibai ngai mi caan a si te lai i, vote pek caan a dih hnu zarh tampi chung tiangin a herhmi bomhnak pek dingin timhlamhnak kan ngei.

Election kong i official results thanhnak kongkau zeidah a cang kho, timi he pehtlaiin a hlankan in mipi sinah kan Voting Information Center ah thawngthanhnak kan tuah te lai. Election zaan ah result a va chuah sual khawh lo zongah, hihi phungninglo in tuahmi zeihmanh a um lo zia mipi nih an theihthiam khawhnak hnga kan bomh hna lai.

Election results kongah zumhawk a tlakmi thawngpang pawl kan thanh khawh nakhnga, Reuters le National Election Pool pawl he rian kan tuanti. Hi kong hi kan Voting Information Center ah kan chiah lai i, fawitein bihzoh khawh an si lai. Results pawl thanh awk tha an si le cangka, a tuan khawh chung tuan in mipi sinah thawng kan thanh lai. A hleice in, zeibantuk candidate asiloah campaign hmanh nih result an tar hlan i buanco bangin tlang a au ah cun, official result a chuah rih tung lo, tiin an catarmi pawl kongah ralrin kan pek lai i, official results pawl lawng mipi sinah kan langter te lai.

Kan election a phichuak zeirello in vaivonh a timtu capaar, asiloah phungning tein vote peknak ah hin lih a tam kho men, tiin vote peknak phung kong ceihhmainak bia le hla paoh khamnak kan tuah lai. Hi khamnak nih hin phungning te i election tuahnak huham he pehtlaiin thawngpang dik pawl lawng a lanhter lai.

Midang nih an ngiarmi minung hi mizei dah an si, tiin ngaitthlainak kan tuahchap lai i, cu ti cun, an cung i thatlonak le fahnak a chuahpi kho tu pawl khamtu dingah kan policy hi kan tuahtamh chinchin lai. Cu ti kan kilven dingmi hna lakah cun election officials pawl an i tel lai i, an cung i fahnak tuah asiloah cerhro phunphai in capar an tarmi paoh cu khamhpiak khawh kan i zuam lai. A bikin, vote an rel lio an vung vehvat lio caan ko ah hin a si khawh cungin kilven khawh kan i zuam lai.

Hriamtlai pawl (tapung) QAnon hei ti bantuk thatlonak chuahpi dingin a thlithupin mi taw a sawhtu phu pawl le election hnu tiang zong i buaibainak le thatlonak chuahpi dingin a cawlcangmi phu dang pawl doh ding zongin cawlcanghnak kan ngei. Hi bantuk groups kan delete (hlonh) mi hna hi a thong an si cang i, kan recommendation le search results chungah ai telmi pawl tiang zongin kan delete mi lakah an i tel ve. A ra laimi zarh zongah hin hi bantuk groups pawl doh dingin thazaang kan chuah ko rih lai.

Key dates: 2020 US presidential election

A ra laimi thla chungah hin election tuah lio cuahmah ah hin lungretheihnak tete a um lai, ti kan theih hi a biapi ngaingai. Poll kongah buainak tete an ngeih ah maw, asiloah vote pe kho lo dingin kham a si kongah maw, mipi nih harsatnak an tonmi chim an duh a si ah cun cu pawl cu kan onh ko hna lai, zeicahtiah cu bantuk i an harsatnak an langhter cu thawngpang diklo an karhter a si hrimhrim lo. Vote petu pawl an nawlngeihnak kongah le vote peknak kong i thawngpang diklo pawl kongkau he pehtlai in cuhlan kan i ngeihmi policy pinah a cunglei i ka langhter cangmi policy thar pawl hi faakpiin kan kalpi ko lai. Asinain, thlen a hau lem lo mi a fekmi phung kan i ngeih mi zong an um ko caah, a tu i kan i hmanmi kan policy le election result an phuan te tik ni le caan karlakah zei policy hmanh thlen kan i tim lem ti lo.

Hi vialte pinah hin, a liamcia kum 4 ah khan, buainak thar kan tong. Kan election hnawhpek dingin ramdang cozah le pumpaak minung pawl online in an cawlcang hna. Cu bantuk hnahnawhpeknak cu nihin tiangin a um ko rih. Tutan zarh chung hmanh ah hin, account 13 le Page 2 kan hlonhpiak cang hna. Hi hna pawl hi American pawl lamping ah hruai ai tim i, thenhmalnak tuah ai timtu an si. Kan security system tuahtamh dingin phaisa tampi kan hman cang i, cu bantuk i ramdang mi nih hnahnawh pek an kan timhmi pawl kham kho dingin vawlei cungah a thawngbikmi team le systems kan i ngeih cang. A liamcia kum linga chung i ningcanglo in a cawlcangmi vawlcung khuaza ram kipin networks 100 lenglo kan hlonhpiak cang hna. Democratic elections an tuah hlan tein kan tuah. Asinain, kan inn le lo chung lila in kan election a dikfelnak hnursuang ai timmi tampi an um ko rih.

Hi bantuk buainak dironh kho dingin le, zalongtein le ningcang tein kan election zong kalpi kho dingin kan democracy pi hi a thawng tawk ngai ko, tiah ka zumh — vote vialte baulo in rel dih dingin caan lak ngai a va hauh ko zongah khin. Cuhlan ah cun, vawlei pumpi nih pulrai a ton lio ngel cel ah hin election kan tuah ai tong bal hraw lo. Kan tuah khawhmi thil a si. Asinain, kan dihlakin thazang kan chuah cio cu a hau lai ta– political parties, candidates, election nawlngeitu, media le social networks, a donghnak ah vote a petu pawl – kanmah le kan tuanvo cio kan lim a herh. Kan democracy ningtein thil a kal khawh naknga le vote petu pakhat cio bau lo in a herh tikah voice ngeih khawh ve naknga, kan dihlak tein tuah hnga dingmi rian kan ngei cio hna.

By Chuncha