Kha kawlram thimnak nihnih long a tang ko cang, cu bantuk abiapi mi thimnak kong ah tampi biahalnak le tial cio a si. Atu lio ah a lar bikmi cu CNLD party le NLD party timi kong hi fb cahmai a khat bik a si ko. Anmah le hmuh ning cio zong tampi chim cio a si.
Atu hi CBCUSA General Secretary a tuan lio mi Rev. Dr. Thlaawr Bawihrin zong biahalnak an tuah mi kan hmuh. Kawlram pumpi in zeu party dah a tha bik lai timi kong biahalnak an tuah, chin NLD nih laitlang ah teinak hmu hna sehlaw timi ah, NLD nih teinak an hmu zongah lairam a hrawktu an si lai tiah a chim. CNLD nih covo kan la than lai ti mi kong zong a chim.
US thimnak kongah thinlung chia rih lo in Kawlram thimnak kong van zoh hmasa hna usih. US thimnak cu tuan ah dihdawh a si rih lo caah chia rih usihlaw kawlram le chinram kan ram kongah khua van cuan ta rih hna usih.. A tang video i interview tuah a ka bawm tu an um lo caah ka thiam lo buin ka tuah mi si i a zoh zia le a ngaihzia nan rak thiam ko lai tiah ka zumh..
https://fb.watch/1BshFuneIJ/ Video Credit: Laipa Video&photography
Former President Barack Obama nih Orlando, Florida ah Democratic ticket Joe Biden le Kamala Harris caah he tiah campaign a tuah. President Trump cu fakpi in a vun phomh i, Media pawl nih Coronavirus kongah an ttial tamtuk mi Trump nih a soisel mi hna cu, Barack Obama nih Trump fakpi in a phomh. Obama nih Trump cu, “Zia Trump nih hin mah bantuk in Media nih Covid kongah an tial mi ah a vun soisel hna, US mipi nih Covid an buaipi lai i Covid thawngpang thei an duh lai cu tiah fakpi in a vun soisel.
Obama nih Trump cu Tax a pek bal lo mi a si tiah a soisel than. Mah bantuk in Obama nih President Trump a vun soisel caah Trump nih ceilak in Obama cu aleh ve.Obama cu mi um lonak ah bia kha chim saw saw ko hna seh. Biden cu teitu a si lai lo tiah a zum kho lo caah a duh lo bu in endorse a tuah mi a si ko, a bia chim mi hi lakding a um lo, fake lawngte si.Obama nih Joe Biden caah Campaign a tuahnak ah mipi hmuh ding zong a um lo. Joe Biden le Obama cu US mipi nih an duh hna lo, an campaign tuahnak ah mi hmuh ding an cum lo khat tiah ceilak in aphomh than hna. RTK