Theihter nak: Ca reltu nih kan lung a buainak hnga lo theihter kan duh mi cu a tang ii Paragraph pahnih hi  a hlan deuh hin NLD le Dr.sasa kong kha a si, Zei ruangah kan rak tar tthan ti ahcun an konglam pehzulh tein kan ii fiang khawh nak hnga caah serherh nak he kan vantar chih mi asi. A tanglei Paragraph pathum nak khi nihin a mah nih NLD chung ah ai tel nak ah  alung lawmnak a rak tar mi cu asi.

Image may contain: text

Dr.SaSa, NLD အောင်နိုင်ရေး ai tel mi cungah a lunglawmhnak a langhter cang. Dr.Sasa zong tulio lungrethei ngai in a rak um. Chin ramkulh NLD nih teinak an hmuh khawhnak ding ah Dr.Sasa zong Campaigner ah telh a si timi thawngpang a um hnu ah a lung a arak I nuamh lo nak tete zong a rak um ve. A mah a chim ning ahcun NLD party ah luh in, Campaigner tiang va si ding hi Biachahnak ka tuah mi a si rih lo tiah  a rak chimh. Lungtlinnak felfai tuah loin ka min an lanhgter kha a si tiah arak chim.

Image may contain: 2 people

Hi kong he pehtlai in Dr.Sasa nih a mah pumpak in pehtlaihnak tuah a rak si I,cu ahcun NLD Campaigner si ding in biachahnak taktak a mah pumpak nih a rak tuah rih lonak kong cu an kan rak chimh.“Biachah nak fel zeihmah ka tuah mi a um rih lo tiah a rak chimh. Bia i ruah lio lawng a si rih. Cu caah thlacam nak in ka bawm cio hram uh ti zong in a rak chim fawm. Pathian sin in a ra mi fimnak, thawnnak ka hmuh khawh i a dik mi biachahnak ka tuah khawh nak ding ah Pathian ka hal piak cio hram uh” tiah Dr. Sasa nih a rak chim.Ca an kan kuat nak Screenshot zong a um nain zapi sin ah kan langhter lem lo tiah arak chim. A biapi bik mi cu Biachahnak fel raltha tein ka tuah khawhnak ding ah Pathian sin ah ka hal piak cio uh a timi hi a si.


Tutang ah a mah nih cohlan nak a tuah nak le ai lawmnak cu mipi sin ah langhter nak a tuah Cucu a tanglei ta an si:Chinmi caah hero bantuk a si mi Dr. SASA nih cathanh a chuah cang, Chin ram NLD caah biatak a chuah ve cang lai tinak a si. Chin ram NLD nih teinak an hmuh nak hnga caah Dr. Sasa min an langh ter ve mi kong ah a tu bantukin fianghlang tein cathanh a chuah hi a si.Cathanh chungah” Chinram NLD nih keimah zong akan telh ve caah ka lunglawmhnak ka chim kholo e tiah a chim. A sinain Chin mipi ca le Chin ram caah a si lai tiah a chim fawn. Pathian nih dirpi ko seh. Dr. Sasa cu zumhtlak a si peng ko caah Chinmi a kan deub hrimhrim lailo tiah kan i ruah chan ko. Amah nih a tial ning tein.

Image may contain: text

Hakha thawngpang relchap duh mi caah<<Kan innchung in a leng chuah tik ah hmur-kaa huh i huh ding. Kan i huh tik zong ah Ngandamnak Zung nih dingrep a ser ning tein i huh ding. Mibu in hnianghrawn lei siseh, Zaanglek (pumpululh telh) lei tuah siseh, Hakha Peng chung i tiva pawl ah ngahring dawi le ti i lio siseh, cun mizapi nih hman mi hmun nuam pawl ah mibu in um lo le tuah lo ding.  Company le a dang chawletthal hna nih mibu in tuah mi thil zuar le thil phawtzamh nak tuah lo ding.Eidin dawr, rawl dawr le tamhnak dawr pawl zong Ngandamnak Zung nih nawl a chuah mi ning in dawr hon le zuar ding.

Biakinn zong ah Ngandamnak Zung nih dingrep a ser ning tein zulh ding.Kan inn pawngkam hrawng ah ramdang in a rak tlung mi, Stay At Home an tuahnak Peng in a rak tlung mi ramdang mi, COVID-19 zawtnak a ngei ko lai tiah lungrumh mi pawl Hakha Peng chung ah an rak luh a si cun aa pehtlai mi sang upa le cozah lei ah thawngthanh ding. Ramdang in Hakha ah a rak lut mi poh an phak ni in ni 21 erhkhumh (Facility Quarantine) ding.Coronavirua Disease 2019 runvennak ca ah Hakha khualuhnak hauka in ngandamnak lei zohfelnak tuah lio a si i zohfelnak tuah tik zong ah lunglawm tein cohlan ding. Cun, nawl chuah mi le dingrep tuah mi pawl mizapi lei nih tha tein zulh khawh i zuam ding. Credit:HCRC

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi cu a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha