Tuzing cu zingka in Dr.Sasa Interview ka ngai. Lungthin tak tein tulio Kawlram politic a chim. Ka ruahning nak in politic a rak hngal. Practical ah a cang khomi politic a chim. Tinhmi tha ngai tung i, practical ah a cang kho lomi politic zong a chim.

Dr.Sasa Nih Mipi Lau Lengmang In A Tuah Hna A Mak Ngaingai – Chin World  News Evening

Dr.Sasa bantuk miphun a dawmi, Pathian a bochan mi, asining a nuning in miphun caah rian a tuan taktak mi hi Chin miphun nih kan herhmi hna an si. Chunmang sawsawh manhter lengmang i practical ah a cang kho lomi politic cu kan miphun nih a herh lem lo.

“Zunghnam khur tiang mei kan van lai, Chin state hluttaw kan ting dih lai, miphun covo kan laak lai, cozah kan ser lai” tibantuk mang politic hi minmei bang cikkhat lo ah a zaam dih ding lawngte an si. By Salai Lairamthang

2008 Phunghram Remh A Si Hlan Chung Cu CNLD Caah An Ttuah Khawh Ding Chim  Tlak A Um Lo Tiah Dr. Sasa Nih A Chim - Khuaruah Har News

Relchap<< Cnld & Ralkap An I Lawhnak Te Te: Chin miphun aiawh aa timi CNLD Party le Kawl Ralkap hna nih hin lawhnak tete an ngei hna. Pum khat an si le si lo cu theih asi lo nain an i lawhnak te te pakhatte ten kan langhter tuah hna lai. (1) Pohmah 261 Mah hi pohmah cu rampi President nih direct in state le region CM rian pek si loin mah le state/region hluttaw nih mahle CM cio i thim siseh timi a si. Mah hihi tlangcungmi caah a tha ngaimi a lo ko nain 2008 phunghram pohmah dang remh chih tung lo ahcun tlangcungmi umnak hmun poh ah ralkap nawlngeihnak inn kharpi honpiak he aa lo hnga.

Kawl ralkap vitamin tha tuk asi. (2) PR System: Proportional representative system vote pekning hi ralkap nih NLD thlaknak caah an duh ngaimi a si. Vote hmuhmi kha i thenh phawt ding asi caah NLD hmuhmi vialte thenter i hluttaw kip i ralkap 25% hmang khan ralkap power cu a thawng chinchin lai. Mah zong hi ralkap vitamin tha taktakmi asi.

(3) Phukomh Cozah: Mah hihi ralkap nih an chuahpimi mi hlennak a si hoi. Hluttaw kip i 25% an neih ciami he fonh i an lemsoi khawhmi party neknawite te he i bawm in cozah ser timhmi program a si. NLD vaivuanh i ralkap power fehternak thiam thiam asi. (4) Biaknak le miphun cu phaw ah an hman veve.

Ralkap nih Kawlram dothlennak vaivuanh awkah Buddhism le Burmese nationalism cu phaw ah an hman i miphun dang le biaknak dang huatnak kong aupi dingah Mah-Bah-Tah phu an dirh hi heh chet tlang an au. Atu ah CNLD zong nih miphun le biaknak cu phaw ah biatak ten an hun hman ve. (5) Dothlennak a kalpitu NLD dohnak Kawlram dothlennak a kalpitu bik cu NLD lawnglawng hi a si ko. Party dang pawl hi cu Election lai hrawngah rawl ei kaa thawtnak men in an au ve tawn i si ko. NLD a dohtu poh cu Kawlram dothlennak a dohtu lawngte an si ti khawh asi. NLD dohnak ah hin ralkap le CNLD hi an lung aa rual ngai.

(6) 2008 phunghram remh kong an chim loh: Kawlram dothlennak ca i biapi bik cu 2008 phunghram remh hi asi. Mah hi tuah hmasa lo ahcun dothlennak tuah awk a tha loh. Ralkap nih 2008 phunghram chung i pohmah tampi lakah remh an duhmi cu 261 lawng hi asi. Mah zong hi an power fehter an duh caah si ko.
CNLD hotu pawl zong nih democracy le federal kong cu an chim camcin ve ko nain phunghram remh kong hi an chimmi theih awk a um loh. Pohmah 261 kong dah ti lo cu.2008 phunghram remh an i tim loh ti a fiantertu bik cu an rinhchanhmi hotu pawl Naypyitaw ah kal an i tim loh. Santlailo tete lawng kalter an timh hna.

(7) NLD cozah riantuannak kip ah hnahnawhnak pek: NLD cozah riantuannak ah hin hnahnawhnak a chuak lengmang.A ruang cu chim hau loin a fiangmi si ko.Cozah depertment kip ah zeimalo pawl an um cia dih ti cu theih cio a si. Cun Chinram ah NLD cozah tlaih hnu in project ngan an tuahnak poh ah buainak a chuak peng. Hakha inn hmun samhnak, Shopping mall le Nawi tidil, etc… kong ah ruah ding a tam ngai. Credit: Victor Pa

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chunchanews Editor.

By Chuncha