Dr.SaSa Chunmang Part( 2): Vice President Henry Van Thio, Center Government Naypyidaw 2020 – 2025 ah Chim rel khawhnak a ngeih lio caan ah hin Chin State cu Kawlram le Asia ram ah fim cawnnak Sianginn a tha bik hmun si ding le a min thangbik si dingin kan ser lai.


Chin State 9 Township ah fim cawnnak International School kan tuah lai i, Vawlei cung min thang UK, USA, Australia le Europe Sianginn hna he pehtleihnak kan tuah lai. ca chimtu min thang kan sawm hna lai i, World level in Myone 9 ah International Sianginn kan ngei lai. Asia ram le Kawlram in Sianginn kai ah Chin State ah an rak phan lai i, Chin State cu Fimthiam cawnnak State min thang bik ah kan ser lai.English hi Chin State ah Automatic in Bung holh ah ai cang te lai. Cu caah kan mah le kan holh kan philh lo nak caah mah tein Radio station le local TV kan ngei lai i, Nifatin in thawngthanhnak news kan tuah peng lai.

Chin State Government University vialte hi International University he peh tleihnak kan ngeih ter dih lai i, Ramdabg in part time le full time in Chin State ah ca chimtu Prof. an ra lai i, Electronic Library le ram dang nih an hman mi fimthiam cawnnak thilri vial te kan hmang kho lai, Chin State University Cu Kawlram le Asia ram ah Minthang bik University pakhat ah kan ser lai. Kawlram le Asia ram kip in Siangiin kai ah Chin State an van fuh ve cang lai.


Government School Tang 8 tang vialte chun ah inn tin lo in UN le International bawmhnak in chuncaw free tein pek khawh kan zuam hna lai.

Lai tlang Fiangtlang kip ah Thlacamnak inn, world level in kan tuah lai, Vawlei cung min thang Vailamtah tung fingtlang kip ah kan dirh lai i, Biaknak lei min thang State pakhat ah kan ser lai i, Kumkhat ah millions in Tourist lut kho ding in kan zuam lai. Thli thiang umnak Lai tlang cu Vawlei cung nih an interest bik mi hmun State pakhat ah kan ser lai. Bawipa kan lei a Ttan ah cun, By Peter Ngun Za Cung

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha