Christmas Le Cathiang: Christmas timi biafang phên ah a ummi biatak cu nu nih pa ci tel loin fa a pawi i Fafa a hrinmi kha a si. Hi kong he pehtlai in Cathiang nih a hmaisa bik ah a rak chimmi cu Hramthawknâk (Genesis) dal thum câng hleinga nâk hi a si. “Cun minu he nan karlak ah ralnâk ka chiah lai i na tefa le a tefa zong ral an si lai. Nang nih a kedil kha na khuai lai i anih nih na lu kha an khuai lai” Hra. 3: 15. Hihi Adam sual i a tlukni bak ah Pathian nih Sehtan nih a hmanmi Rul sinah a chimmi a si.

Christmas 2020: Will Santa have to social distance? - BBC News

Hlengtu rul le a hlenmi minu karlak ah ralnâk lawng si loin hlengtu ‘rul tefa’ le hlenmi ‘nu tefa’ i ralnâk ding zong chim a si. Rul tefa Matthai dal thum câng sarih le dal hlei hnih câng sawmthum pali le dal kul le dal thum câng sawmthum le pathum ah tipil petu Johan le Jesuh nih ” Rul tefa hna” tiah an timi kha rul tatak si loin minung chimnâk lawng te a si.Cuticun Pathian nih Eden dûm ah a rak chimmi ” Rul tefa” timi Cathiang kha a tatak in a tling.

Nu tefa, Ngaknu thiang nih fa a pawi lai, fapa a hrin lai i a min ah Immanuel tiah an sak lai. Isa. 7: 14.(Baibal Cathiang țianning) Adam sual i a tluk ni bak ah Pathian nih a rak chimmi ” Nu tefa ” timi kha BC 700 hrawngah Pathian nih profet Isaiah hmangin a hun chim țhân.

Wallpaper new year, gifts, Santa, Mery Christmas images for desktop,  section новый год - download

Ngaknu Thiang nih fa a pawi tak tak. “Josef, David fapa, Mary hi na nupi ca i țhit kha țih hlah, zeicatiah fa a pawimi hi Thiang Thlarau sin in a si” Mt. 1: 20. Vancungmi nih Mary sinah nau na pawi lai tiah a rak ti lio ah Mary nih cucu zeitindah a si khawh lai pa ka hngalh rih țung lo tiah a rak ti. Lk. 1: 31- 35

Cucaah Cathiang nih “Nu tefa” tiah a timi hi pa ci tel lo bak in pawimi Mary Fapa Jesuh Khrih chimnak a si. Cathiang nih a rak chim chung bangin nu tefa Jesuh a chuah ah khan rul tefa minung nih doh le ral hram a thawk cawlh i miphun pakhat siangpahrâng a simi Herat nih fa chuakka ngakchia sem, ‘nu tefa’ Jesuh that dingin a ralkap kha vainam he a pawhter hna i Judia ram chung kum hnih tang pa ngakchia vialte an rak thah nâk kha a si. Mt. 1: 16- 18

ᐈ Navidad wallpaper stock animated, Royalty Free mery christmas vectors |  download on Depositphotos®

Hi thil a cangmi hi Adam sual i a tluk ni bak ah Eden dûm ah a palh kho lomi Cathiang nih, rul tefa le nu tefa i ral lai nâk kong a rak chim chungmi a tlinnâk a si. Cathiang nih a rak chim chung bangin rul tefa minung nih nu tefa Jesuh cu Vailamtahnâk thing cungah a kut le a ke ah thir in a khenhchih i ” Nang (rul tefa) nih a kedil kha na khuai lai” tiah Cathiang nih a rak chimchung mi bia kha a tatak in a tling.

Ni thum ni ah ‘nu tefa’ Jesuh cu thihnâk thlanmui chungin Pa Pathian nih a thawhter i “Anih (nu tefa) nih na lu kha an khuai lai” tiah Cathiang nih a rak chim chung mi kha a tatak in a hun tling țhân. Sehtan le sual țhawnnâk cu zungzal ca in tei a si cang. Cucu ‘anih nih na lu kha a khuai lai’ tiah Cathiang nih a chimmi sullam tak tak cu a si.

Image may contain: 2 people, people standing

Cuticun Christmas le Cathiang hi țhen awk țha loin ai pehtlaimi a si caah Christmas a hmangtu Christian hna nih kan zoh, kan dothlat i kan zumh or kan cohlân i nunpi hrim hrim a herh. Christmas le Cathiang thluachuah daih nâk cu caretu nan cungah um ko seh. CHRISTMAS LE PROFET tiah peh a si te lai. Credit: Evan Rualuk

By Chuncha

Leave a Reply

Your email address will not be published.