June 28, 2020 ni ah FB ah ka ruahnak ka tial mi “2020 THIMNAK A NAI, RUAH AWK A TAM” ti mi tlangtar in ca ka tial mi kong ah comment pek mi pawl ka rel i, hi ca hi ka tial mi a si. Covid – 19 can lio a si hmanh ah ka office room ah keimah le Researcher lawng kan thu caah zung ka kai peng. Nihin Sunday a si na in, Biakinn kal kho lo a si ruang ah ka ruahnak te te ka tial mi a si. 2020 General Election kong kan tial, ka holh, kan rel tik ah Kawlram Politics kong hna theih a herh ngai. Tleicia Dr. Maung Maung Gyi tial mi “Burmese Political Values: The Socio-Political Roots of Authoritarianism (Maung Maung Gyi – 1983)” tial mi ca-uk hi a rel ciami nan tam ngai ko lai. Hi cauk tha tuk mi hna rel hma sa lo in, 2020 General Election hna ah kan i thlak ve ah cun, a leh ta lam lei in, ram kan daw sual lai ka phang caah a si.

AFPFL an rak dirh lio ah hin, Communists pawl an i tel, Socialists pawl an i tel, Tlangcung mi tampi an i tel. Zei caah tiah Zapi duh mi cu, Independence a rak si ruang ah a si. Asinain, 1948 in AFPFL nih teinak an hmuh i, Acozah an serh tik ah, buainak a chuak. U Nu lei minung le Ba Shwe lei minung pawl an i rem ti lo. Bu hnih ah an i thenh tik ah, zei bu hmanh nih a cozah an serh kho lo. Cu ruang ah Caretaker Government tiah Ralkap sin ah nawl ngeihnak an pek. Tlangcung mi MP pawl hna kha an i then thek fawn tik ah, Tlangcung mi le U Nu bu zong nih Acozah an serh kho lo. Tlangcung mi MP hna le Ba Shwe bu zong nih an cozah an serh kho ti lo. Mah hi Tyranny of Majority ka ti duh mi cu a si. Kawl cu Majority an si tik ah, Kawl pawl an i rem le rem lo ah Tlangcung mi cu kan vai vuan. 1962 in 1988 tiang kha cu zei hmanh chimh rel a herh rua lo. Mizapi nih theih mi a si ko. Socialists pawl kha French hna ah ca an va cawng i, Burmese Ways of Socialism an serh. Kan lo cik cek i, an lo cik cek ve. Zapi kan lo. 1988 in 2010 tiang Constitution ngeih lo i, Ralkap nih an kan hruai i, an kan uk.

2010 ah President U Thein Sein a cozah a kai i, USDP hruai mi nih a cozah an tuah. NLD nih Thimhnak an lut duh lo caah, teinak an hmuh i, Acozah an serh. President U Thein Sein i aa timh mi cu, “Buainak um lo te in Ralkap Uknak in Democracy Uknak lei ah kal, Political Reform (Peace Reform) tuah, Economic Reform tuah, Administrative Reform tuah” ti mi a si. Political Reform hi U Aung Min rian a khinh. Economic Reform hi U Soe Thein rian a khinh. Administrative Reform hi U Tin Naing Thein rian a khinh. 2010 in 2015 kar lak ah zei dah a cang ti mi cu chimh a herh lem rua lo tiah ka ruah.

2015 General Election a si tik ah, NLD nih an tel hna. NLD vote a pek mi hi 12 million hrawng an si. USDP vote a pek mi hi 7 million hrawng an si. Atang mi cu, Tlangcung mi Party le a dang party pawl an si. Asinain, Myanmar Electoral System ruang ah 7 Million vote a ngei mi USDP cu Union Hluttaw ah Hluttaw Member 40 hlei lawng an ngei. Cu caah, Voters 12 million a ngei mi NLD nih acozah an serh kho. 2015 in, ni hin ni tiang NLD i, performances kong cu zapi theih a si. A fiang deuh in, theih duh ah cun, 2015 General Election Manifesto kha rel kho a si. Manifesto kha zei tluk dah a tlam an tling ter kho ti mi cu, “Saih-ka” tama pawl in hram i thawk i, “Entrepreneurs” nih theih dih a si ko.

Image may contain: 1 person

 

2020 General Election ah hin, NLD nih Union Hluttaw ah vote 334 cung lei hmuh i, Acozah serh ding ahar ngai lai. Zeicaah tiah, Kum 5 chung an Manifesto Implement an tuah khonak le tuah kho lonak ruang ah a si. Cun, Minung zoh hlah uh, Party zoh u law, keimah nih tuanvo kalak ko lai tiah Anhruai tu nih 2015 Election lio ah biakamhnak a tuah na in, kum 5 chung ah a biakamh bantuk in thil a si lo. Zei ruang ah ti ah cun, Tang 4 a awng lo mi, Tang 8 a awng lo mi, Tang 10 a awng lo mi, B.A., B.Sc., degree a hmuh lo mi minung 180 reng lo Hluttaw Members an si.

2020 General Election ah hin, USDP zong 40 in 100 kai ding a har ngai lai. Zei caah tiah, Ralkap chan lio ah dirh mi Party a si timi ruahnak a ngeih mi mipi an tam tuk. Zeidah an tuah kho ti mi ruah khonak a ngei lo mi an tam tuk rih. 2020 General Election ah hin, Tlangcung mi (Abik in, Chin, Kachin, Karen, Karenni le Mon) pawl lak ah lungrualnak a um bak tuk in hmuh a si. Asinain, Candidate i thimhnak ah an lungrualnak a tla hawi le, lungrawk ngai cu a si than. Asinain, Amyotha Hluttaw ah (Seven States) nih Member (84) ngeih a si i, Tlangcung mi pawl nih teinak hlun hna seh law, a va tha ngai lai dah. Pyithu Hluttaw ah (Seven States) nih Member (119) ngeih a si. Amyotha Hluttaw le Pyithu Hluttaw pahnih fonh ah cun (205) ngeih a si.

 

Tlangcung mi State (7) kan i rual rem a si ah cun, Union Hluttaw ah Member (205) kan ngei kho ko. Asinain, kan i rem lo pin ah, Phairawn um pawl hnu kan zulh leng mang. Kawlralkap nih zapi (166) lawng a si. Tlangcung mi i rem hna u si law, (205) vote kan ngeih ah cun, Acozah serh khonak caah vote (129) lawng kan herh ti kho a si. Tlangcung mi vote (205) le Ralkap i fonh zong ah Tlangcung mi nih President tian tuan kho a si.

No photo description available.

Tyranny of Majority (or) Tyranny of Democracy a si ter mi hi, Kawl an si lo. Ralkap an si lo. Kan mah Tlangcung mi lila kan si. Amyotha Hluttaw Representatives pawl nih, Kan Party le Constituency si lo i, State Ai kan awh ti mi kan i fiang hlan lo cu, Mi hnu zulh kan si rih ko lai. Pyithu Hluttaw pawl hna nih, kan Constituency hi Rangon le Mandalay a si lo i, Chin State a si ko ti mi kan i fiang hlan lo cu, Mi hnu zulh kan si rih ko lai.

Ramdang khuasa pawl nih 2020 General Election hi fak tuk in, influence tuah kan i timh ah cun, 2020 in 2025 tiang kum nga chung kan miphun caah harnak tuah tu kan si kho. Cu caah, Chin State Hluttaw (18) hmun caah si seh, Chin State Amyotha Hluttaw (12) hmun caah si seh, Chin State Pyithu Hluttaw (9) caah si seh khua fak deuh in ruah i, bia chimh le holh rel kan i ral ring deuh ko tiah ka hmuh ning a si. Union Election Commission i Laws and Regulations pawl hna thate in kan rel a herh. Cu lo ah cun, kan duhsak tuknak ah, kan duhsak tuk mi pawl harnak a pe tu kan si kho.

Image may contain: 1 person, standing, text that says 'omap Dr. Salai Ngun Cung Lian Chief Judge and Secretary of Strategy and Research Dept.'

 

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha