Dr. Hai Vung Lian hmanthlak hmuh cu ngeih a chia tuk ee, thinlung a kuai, ka hnarno ruh a ka tam, ka mitthli a tla, a celh ka celh lo ee..Kan i siang hrim lo le kan Pa aw. Kan Thlacam Kan Let ko Sawh Bawipa. Maw kan biakmi Khuazing Kan Pathian, na rianṭuantu na fapa Rev. Dr. Hai Vung Lian (Hannah pa) a zawt a zual i Oxygen pek chom in sizung ah a um ti kan theih. Kan miphun ning in kan thin a phang i mangang in kan um.

A nunnak khamh law damnak tling kan pekpiak sawh tiah thla kan cam i kan in nawl. Kan in nawlnak le thlacamnak hi kan theihpiak sawh ko mu. Kan thin a phang tuk hih. Khrihfabu le chungkhar zohkenh ding rian tamtuk na pekmi a lim nai sai rih lo. A nunnak maw dihter sual lai cih mu. Nangmah kut cung ah a um ko. Kan khamhpiak ko sawh.

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor

By Chuncha

Leave a Reply

Your email address will not be published.