(Vawleicung media ngan bik asimi BBC England ram hram bunh mi nih ai tuar ve ti lo i, Trump kong cu fak taktak in a tanglei ning hin a vun tial. England hi US hawikom tha bik an si zungzal nain Trump hi cu minung ah an ruat cio lo)

Coronavirus kham awkah tuandeuh in rak cawlcang sehlaw cu nunnak tampi a khamh khawh manh ko hnga mu, tiah ngandamnak le top official nih a chim.

A hramthok tein khan zeizong vialte hi lockdown rak tuah u si law cu, nihin kan sining bantuk taitai in cun kan si hnga lo mu. Biachahnak kongah kan i tuaitamtuk le a si ko hme cu, tiah Dr. Anthony Fauci nih CNN ah a chim.

Nihin tiang i US ah virus in a zawmi hi 577,332 an si i, minung 23,077 an thi cang. Fauci hi US i virus kongah mithmai a ngei biktu a si, White House ah Trump he muihmai ai langh pengmi a si. Asinian an pahnih hin thil tampi kongah an lung ai khat ruam lo. CBS nih interview an tuah lio ah Fauci nih cun fimthiamnak chirhchan in virus kong hi a chim i, Trump belte nih cun a tha te ko lai, hei ti phun khin mizarang biachim in a chim.

Hihi cu tihnung a si lo. US mipi hi faktuk in a kan chiatchuah kho lai lo, tiah Feb. 29 ah khan pei amah Fauci lila nih mipi cu a chimh ko hna cu, tiah Trump nih Deanna Lorriane sinah ca a hei kuat. “Fauci a rian in phuah caan a si cang” tiin tlang a tar.

Trump cozah nih Social Distancing nawl an chuahmi hi April 30 tiang lawng ni an tuk. Ni an tukmi a liam hnu ah cu phung cu an lak than kun ne lai maw? timi biahalnak a um len cang.

Fauci Nih Zeidah A Chim?
February thla dih lai i virus khamnak ding ah Dr. Fauci le a dang official pawl nih ruahnak an langhtermi kongah Fauci cu bia an hal. “Kannih health official nih hin cun nandamnak kong i kan dirhmun i chirhchan lawnglawng in kan duhnak a langhter kho kan si” tiin a leh hna.

Cu kan duhnak cu a caan ah cohlanpiak kan si, a caan ah hnonpiak kan si ko. Asinain, nihin i hi sining kan phak hi cu ruangah cun a si ko. Tuandeuh in i khamnak rian ka tuah u si law cu nunnak tampi kan khamh manh ko hnga mu, ti cu ahohmanh nih an al kho lai lo. Cu bantuk a biapimi biachahnak kongah buainak a um caah a si ko hme cu. Lockdown tuah a herhnak kongah i hnungtolhnak tampi a um, tiah Fauci nih a chim.

Virus khamnak rian tuandeuh ah tuah kan tlolh lawng hi US ah thil buai a si lo, kan ram a hmet-ngan kongah le khat le khat kan lung kan i hmuh lo mi hi virus kham rian a dawnkhantu taktak an si ve rih.

Hmai thla hrawng khin cun, kan ram chung a cheukhat hmunhma hna cu duhsah in nincan lei an panh chom ko lai. Zei thil hmanh hi hnawhnaw hnamhman tuk in tuah phung an si lo. Khulrangtuk in virus kham kan timh a si ah cun, nawlnolh in a kan tlunh than sual lai ti phan a um ngaingai, tiah Fauci nih a chim.

Cucu na umnak hmunhma nih lai a rel. Cun na ton ciami le ton rih lo mi virus a karhsonak hmul i a sining nih lai a rel fawn lai. November i kan election hi cu a luat te ko lai, ti ka zumh ko. Abikin kan ram ningpi in virus khamnak kong i nawl kan chuahmi kan zulh a si ko ah cun…

President nih Fauci a rem ti lo nak kong siseh, cun a cozah nih virus thitha in a zuamhnawh lo, timi a kong an ceihmi pawl cu Tweeter in heh tiah a hun phomh ve hna.

A ram ah mizaw le mithi an tamtuk, cun economy pi zong hnursuan a tontuk tikah cun WHO tiang in a hun mawhchiat hna.

NY A Dirhmun Zeidah A Lawh?
NY hi US ah virus nih a tlunhnak bik khua a si. Minung 190,000 an zaw, 9,000 leng an thi cang. Ka state hi hun open zau ka duh ko cang e. Cun kan innpa states pawl zong nih testing tuahnak kong ah le chawva bomhnak kongah an kan tampi deuh ah a tha ko cang lai, tiah NY governor Cuomo nih a chim.

Mifimthiam pawl nih an chuahpi mi ruahnak pawl he santlai pakhat hmanh an um rih lo, tiah a chim. Cucu a tha ko. Zeicahtiah, hi kong hi policy le zatlang mi nih an tuaktan ding a si cang. A ni khatnak tein ka chim cang ko kha. May ah rian kan on lai, May ah hihi kan tuah lai, June ah hihi kan tuah lai, hei ti bantuk biaka pawl kha cu zumhraih awk hrim ai tlakmi an si lo. Cucaah, ahohmanh nih hin ning le cang tein biachahnak an tuah ko lai ka zum lo. Asinain, a tu hi, cuhlan i nikhat i minung 758 hrawng an thi i, nihin ah cun minung 700 hrawng lawng an si cang. Cucaah thihnak hmual a hung dindeuh ngai, ti khawh a si, tiah Cuomo nih a chim.

US nih Lockdown an tuahmi hi an dorhdeuh ne kun lai maw?

White House nih cun Social Distancing hi donghter chom a duh. May 1 khi a ni an tuk cang, tiah Food and Drug agency commissioner Dr. Steven Hahn nih a chim. “Tipep a donghnak a kua zawn in ceu kan hmuh, tiah Hahn nih a chim. Lockdown tuahmi dorh le dorh lo kong cu kan himnak kongah le kan thatnak kongah ai hngatmi a si, tiah a chim.

Kan ram on (open) than zau nak dingah cun Test tuah hi biatak tein kan piapitter a hau. Asinain Trump belte nih cun test tuahnak caah a herhmi thil hi zei ah a rel duh fawn lo. Virus nih tlunh khawh lo dingah cun test hi tampi kan tuah ah hau, tiah NY governor le NG governor cu phone in bia an i ruah.

Virus chonh khawh lo dirhmun ah a dirhmi pawl rian lei ah an kal khawh zau nak hnga, tiin pumpaak minung test tuah dingin Coumo nih Sundah ah khan nawl a chuah than.

On Sunday, Mr Cuomo announced an executive order calling for more antibody testing in order to determine who might have Covid-19 immunity and could return to work. US nih zeitluk in dah virus hi karh lo dingin a kham khawh lai, timi cu state kip nih zeitluk in dah an doh khawh, timi cungah ai hngat.

State 50 sinah President nih virus kong i ralrinpeknak a thanh. Cucu US tuanbia chungah avoikhatnak bak a si, taih White House Deputy Press Secretary Judd Deere nih a chim. Credit: Chelsea Bawi

By Chuncha