Dr. John Neufeld nihcun 2018 lio ah khan Michael Gove nih Donald Trump hi interview atuah i amah tein Baible arel balmi asi lo, Biaknak hi biapi ah achia mi zong asi lo, Hlanlio president Richard Nixon bantuk asi ati. Asinain American Evangelical Khrifa pawl nih an dirpi tuk nak khi Obama chan ah nau thah (abortion), neih khat țhitumh (same sex marriage) le US biaceih zung sangbik (Supreme Court) ah Khrifa țha an um lo caah Trump achuah ahcun mah pawl hi aremh dih lai tiah zumhnak an ngeih caah an thimmi asi tiah Back To Bible timi ah an țial.

The Note: China comes into uneasy focus in early general-election ...

An zumh bantuk in Trump nih nau thah akham, same sex aduh lo pin ah Supreme Court ah Khrifa țha biaceih bawi ațhut ter taktak. Jerusalem zong Israel khualapi asi tiah adirpi i US embassy tiang Tel Aviv in Jerusalam ah May 2018 ah athial ter hna.  Cun Khrifa tampi nih Trump hi president asi hnu in alung ai thleng ngai i Khrifa tha ah ai chuah ko tiah Billy Graham fapa Franklin Graham hmanh nih adir ngai ngai.

Indian-Americans in a fix over Trump vs Biden in the time of ...

Cucaah November 03, 2020 US thimnak zong ah hin Trump cu Evangelicals pawl nih thimfung an thlak rih te lai tiah zumh aum ngai ngai. Asinain Joe Biden cu –seasoned politician – an timi asi i politics hi cu achung bak in kum 40 leng chung aumnak hmun asi tikah Hillary Clinton bantuk men khan cun Presidential Debate tik zong ah Trump nih achei te lai lo tiah ka ruah. Abortion le Same Sex kong lawng cun ram pumpi president cu an thim lai lo caah caan karlak i Coronavirus- ram pumpi zawtnak tlangrai harnak an tuarmi kong ah President nih atawlrel ning kong nih tamtuk politics ah hmunhma alaak te lai.

How Biden Should Debate Trump - WSJ

Donald Trump nih US Democrat pawl lakah cun Joe Biden hi azenh cem mi asi caah Ukraine ram tiang taza cuai ding in aforh hna ruang ah amah leh lam taza cuai tiang ai huah mi asi tiah political analyst tampi nih an zumh mi asi.  Atu in chim cia chung ding ah atuan ngai rih i thimfung thlatu cu US mipi an si te ko lai caah atu te hin Donald Trump cawlcangh an ngiat ngaingai cang lai ti afiang. Amah Trump zong nih Joe Biden cu mi sawh sawh asi lo ti atheih tuk ve ko caah ralrin tein ram akalpi lai tiah ka zumh.

Biden leads Trump by 6 points as voters sour on pandemic response ...

Thawngpang dang relchap duh mi caah<<Party Lutlai Sinak In Rian Ṭhumh le Chungtel Sinak In Phuah Hi A Um Tawnmi A Si Ko; Tuhrawng cu CNLD Central Executive Committee (CEC) nih Thantlang CNLD Chairman le Secretary, Party chungtel sinak in an chuahnak hna thawngpang nih Facebook cahmai a luah dih. Hi thawngpang hi CNLD le Laimi sining hrawng long a cuanhmi caah cun thilmak ngaimi (ထူးဆန်း) thawngpang a si kho men ko.

Nain Buu le Phu ah siseh, ramkhel party ah siseh a um tawnmi a si ko. USDP chung zongah party member sinak in an chuah hna i, NLD zong nih an chuah ve ko hna. Kum 2016 April thla ah khan USDP Surlu pakhat a si vemi U Shwe Mann le a dang minung 16 cu USDP chungtel sinak in an rak chuah hna. U Shwe Mann cu USDP in an chuah hnu ah UBP a dirh i, tutan thimnak ah an lut ve lai. Ṭhutdan zeimawzat zong an hmuh lai zumh a um.

NLD zong nih kum 2018 August thla ah khan, Rangon ramṭhen, Dagon Myone in Pyithu Hluttaw palai Dr. Thet Thet Khine le Rangon ramṭhen Hluttaw palai U Kyaw Zeya cu CEC chungtel sinak in an rak dinhter hna. Cun Botahtaung Myone in Pyithu Hluttaw palai Daw Me Soe zong tukum May thla ah khan, Party chungtel sinak in an rak chuah ve. Cu long silo, nizan nai bik ah, Ayewarwady ramṭhen Wakema peng i NLD party chairman cu, Chairman sinak in an ṭhumh i, Secretary cu NLD chungtel sinak in an chuah.

Cucaah cun party lutlai sinak in ṭhumh le party chungtel sinak in phuah tibantuk hi tutan CNLD longah a cangmi a si lo. USDP zong ah a um tawn i, NLD zong ah a um tawnmi a si ko caah Thantlang peng CNLD Chairman le Secretary Party chungtel sinak in an chuah hna hi thilmak (ထူးဆန်း) tukmi a si lem lo. 16 July, 2020 Catialtu: Salai Biak Tum Lian

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha