Donald Trump Ih Rak Tuah Cia Mi Hnawl Sal Phah In President Joe Biden In Office A Lak Hnu Ni 11 Sung Ih Daan A Suah Mi 42 Pawl (Excutive Orders) .Pakhatnak. Ramsung ramleng feh sukso nak ah mask hruh tengteng ding. Himi pawl ah vanzamleeng colh-hmun, vanzamleeng sung, tlangleng, lawng, le khawsung fehnak bus pawl tla an tel. Ramleng in ra lut pawl Covid-19 ka nei lo a si tih fiangnak ca hmuh tengteng tul.

Biden has signed 42 executive actions since taking office. Here's what each  does - CNNPolitics

Pahnihnak. Ni 100 sung mask hruh tenteng ding in ramsung ummi le kumpi lam thawn pehpar aw ih hnatuan tu, leiram, le mipungkhawmnak hmun pawl ah mask hruh in pi ruk hlat aw ih um ding.Pathumnak. Donald Trump ih a rak khammi nu/pa sinak thleng pawl U.S. ralkap luh sian a si lo ding timi daan thiatbal in siannak pek sal

Biden Kicks Off Term With Executive Orders and Prime-Time Celebration - The  New York Times

Palinak. DACA tih mi nauhak te lai ihsin US thleng zo nan upadi thawn kalh aw ih um pawl an ramah dawi kirsal lo ding in cawl hrih Panganak.Paris Climate Accord ti ih kawh, leitlun nikhua umtuzia thlengdanglam dan tawlrelnak a si mi ram phunphun pawlkom nak ah tel sal. Doanld Trump in president a si lai ah, US tel ve lo ding in a rak suah pi.

Biden facing scrutiny over heavy reliance on executive orders in 1st days  of office | KTLA

Paruk nak. Mipakhat ih nu lole pa sinak/a kawhawkdan thawn pehparaw in thleidannak nei lo ding. A bik in hnatuannak hmun pawl ah. Pa Sarihnak. Donald Trump in khualtlawnnak ding ih a kham mi ram pawl ong sal, a bik in Muslim ram pawl

Pariatnak. World Health Organization (WHO) tih mi, leitlun huap harhdamnak pawlkom ah tel sal. Dr. Anthony Fauci cu US aiawh ih hotu ah ret. Pakua nak. Canada ram in US ram kulh sung hmunzakip ah dat-si phurh nak ding ih tuah mi Keystone XL pipeline cu tuah peh lo ding in colh ter

Pahra nak. Nikhua umtuzia thlengdanglamnak lam (climate change) thuhla tawlrel ding cu ramsung ramleng thuhla fehpi dan dingah thupi zetah ret ding. Cumi dungthlun in, dat-si leh gas phunphun pawl lak lut lo ding in le tipi/tiva kap pawl ah luang lut ter lo ding in kham ding

Hleikhatnak. Europe leh South Africa ihsin US ramsung a lut mi pawl Covid-19 ruangih khamnak tete um mi pawl remṭha sal. Hleihnihnak. Tlawng inn pawl him te ih ong sal theinak ding in leh tlawng kai peh vivo thei ding in kilhimawknak ding daan pawl suah

Hleithumnak. Rampumhuap ih um leiba (thuthennak zung le bank tihvek ih a ra mi pawl) kuan dingmi a phunphun pawl cu March 31 tiang ṭhawn sak. Hleili nak. US ram mi silo, updadi leng ih um ramdang mi pawl US mipum siarnak (census) ah telh ve ding .Hlei nganak. College tlawngta pawl in tlawngkainak hrang an cawi mi leiba pawl kuan sal ding ni netabik cu September 30 tiang ṭhawn sak .Hleiruknak. Pandemic Testing Board tih mi Coronavirus nei maw nei lo zohnak hotatu pawlkom din. Hi mi hi mipi pawl natnak nei maw nei lo a rang sin le tamsin in zoh theinak ding ih din mi a si

Hlei Sarih nak. Coronavisrus thawn pehparmi thuhla pawl dik le awl zet in zoh thei le thei thei ding in tuah .Hlei riatnak. Donald Trump ih rak thawk mi ramri kulh nak hruang rak din mi cu tuah peh lo ding cawl ter .Hlei Kuanak. Donald Trump in kumpi lam in sumpai bawmnak pe nawn lo ding in a kham mi khua “sanctuary cities” tih ih kawh mi upadi daan kalh ih um ramdangmi pawl humhimnak petu khua pawl ah sumpai bawmnak peksal ding

Kulnak. Sumtuahnak nei tu (Business) le sumtuahnak lam ih pawlkomnak (Corporations) pawl thlun dingih tuahmi daan pawl ṭhiat sal .Kul le khat. Kumpi leh kumpi thawn pehparaw ih hnatuan tu pawl hrang hnatuan man nazi pakhat ah amalbik $15 ah ṭhan . Kul le hnih. US ram sungsuak thilri pawl a tam sin in lei ding

Kul le thum. Mexico City Policy tih ih kawh mi nau thlak nak (abortion) hmun pawl ah kumpi in sumpai bawmnak pe lo ding in Donald Trump ih kham cu linglet in bawmnak pek sal. Kul le Li. Liberia ram mi pawl an ramah kir ter sal ding cu June 30, 2022 ah ṭhawn sal

Kul le Nga. Politic lam ih hnatuan pawl thuhman lo leh mah hlawknak lawng ih tuan lo ding in “ethics pledge” tih mi nuncan ziazatha thutiam kam nak tuah sak .Kul le ruk. Donald Trump in US tlawng inn ih thuanthu zirnak (history) cabu sungah zirbet dingih a telh mi pawl, bet sal lo ding in tawlrel. Himi a ruang cu, a bet mi pawl ah Trump ih party lam hoizawng ih ruahnak a tamtuk ruangah a si ti’n Presdient Biden lam in an sim. Himi thu hi Nix the 1776 Commission tin kawh a si.Kul le Sarih. January 22 ih sin thawk, upadi thawn kalh aw ih um ramdang mi pawl ni 100 sung dawi kirsal lo ding

Kul le riat. HealthCare.gov ah Feb. 15 in May 15 tiang Medicaid ngah ding in hmin pek sal thei. Cun, Obamacare ti ih theih mi, Affordable Care Act khal hnaihnoknak um lo in hman peh vivo thei sal ding in tuah .Kul le Kua. Tikpan (Science), thilri tuahthiamnak (technology), le thansonak lam ah thurawn tu dingah ruahnak petu (advisors) pawl din

SawmThum. Covid-19 ruangih harsatnak a tuar rero mi ramdang pawl bawmnak pek in US cu leitlun ah hruaitubik a si nak langtersal .Thumkhat. Hnatuan tu pawl hrangah Covid-19 ih sin damnak le kilhimawk nak hrangah thlun dingmi kilkhawinak thutlangpi le tulsammi pawl cu Occupational Safety and Health Administration (OSHA) hmang in tawlrelsak .Thumhnih. FEMA hmang in coronavirus khamnak dingih sii dawtnak hmun pawl tawlrel ding

Thumthum. Coronavirus ruangih hnatuan nei lo, stimulus check ngah lo pawl le, ei le in lei nak ding nei lo pawl hrangah bawmnak pek.Thumli. Miphun mal le nauta harsa cuang (minorities) pawl kumpi in bawmnak pek in an mah leh hnamdang karlak ah thleidannak um lo in bangrep ih zoh. Thum nga. Asian-American leh Pacific islander pawl parah ih miphun thleidannak, huatnak, hmuhsuam le tuarh theilo nak pawl mawhnak pe in do. A liamcia kum ah himi miphun pawl parah ah Coronavirus thawn pehparaw in siseh thleidannak a karh sinsin ti ih hmuh ruangah a si

Thum Ruk. Thawng inn thuhla remtha sal, a bik in kumpi ta silo, pumpak (private) thawng inn pawl thawn pehzom awknak cat ter .Thum Sarih. Covid-19 zohkhennak hrang sii, test nak le, pumpak kilhimnak thilri pawl a rang thei bik zem suak.Thum Riat. Inn lei le zuar thei nak thuhla ah zokhal thleidan um lo in zalen zet in tuah thei ding in Donald Trump ih rak tuah cia mi daan pawl zoh kirsal in Fair Housing Act thawn mil aw in remṭha sal .Thum Kua. US ramsung ih rak um hmaisa (Indian Americans) pawl thawn pehthlaihawk nak khoh ter sal

Sawmli. Covid-19 kilhimknak hrang ih hman mi rampi ralkap pawl hrang ih cem man a zaten pe sal ding.Sawmli khat. Covid-19 kilhimnak hrangah thil tulmi pawl awl te ngah thei ding tamsin in le ṭha sin in tuah.

Sawmlihnih. Donald Trump ih US sung ih um ramdangmi thawn pehparaw in ziangtin tuah ding ti ih a tumtahmi (Civil Immigration Enforcement Policies) pawl ṭhiat sal Sources: Politico, CNN, The Washington Post

By Chuncha

Leave a Reply

Your email address will not be published.