WikiLeaks Founder Julian Assange nih a nunnak sungh maw aa thim deuh lai, asi loah a thli tein Obama le Hillary Clinton chan lio ah US cozah emails a firmi vialte pek dih dah ti asi cang. Donald Trump hi a men bak lo. Nihin ah London court nih report nih achimning ahcun, Julian Assange cungah duhthimnak a um cang tiah a ti. Donald Trump nih atimi cu, 2016 US presidential election hlan I Democratic National Committee emails a hack mi vialte ka kut cung na phanhter dih ahcun ngaihthiam na si lai tiah a ti. Assange hi nihin tiang London thonginn ah a um peng, US nih rak ka kua a ti nain London a kua lo. President Trump nih a chim bantuk in Julian Assange nih tlam atlinter ahcun thongchung in chuah asi lai I, cuhlan I US cozah thlithup thil a phozar mi vialte zong ngaihthiam a si lai tinak asi.

ulian nih zeibantuk biakhiahnak dah a tuah te lai. Email a firmi vialte cu Donald Trump kut phanhter I, Thonginn chungin chuah lawng si loin asualnak vialte ngaihthiam maw aa thim deuh lai maw, Thonginn chungah thih hlanlo um dah aa thim deuh te lai. Julian nih a hack mi emails vialte Trump kutcung aphanhter bakah cun Obama chan lio ah zeitindah thil an rak tuah timi vialte Trump nih a theih dih cang lai tinak a si. Obama le Hillary Clinton caah thinphang ngai ngai asi. Hillary nih US Secretary of State a tuan lio ah  ning cang loin email a hmang timi kongah buainak tampi a rak um cang. Mah vialte zong theih dih a si cang lai.

Trump Nobel Peace Prize nomination - what you need to know - BBC News

Thawngpang dang >>A tu lio RMCO chung ah Chin mi siizung kai lio ah siizung riantuan tu pawl nih report tuah ruang ah Palek nih siizung chung ah tlaih mi case 3 kan ngei cang. Nu pahnih le pa pakhat an si. Nu pakhat cu a kum tling lo mi a si a dang pakhat cu nau pawi lio( thla 7)mi a si. An tlaih nak pawl cu cozah siizung long te ah an si i an tlaihnak a ruang cu legal document hna an ngei lo ruang ah an si. Mah long si lo in siiznung ah immigration lei ah report tuah le kan in tlaih ter hna lai tiah siizung riantuan tu pawl nih an tlerh mi case hna zong tu kum chung cu a tam ngai. A hlei in Lockdown dih ah an zual deuhdeuh.

Young dreams dashed as Malaysia prepares to send back 40,000 Chin refugees  | Free Malaysia Today

Mah kong he pehtlai in nizan ah ka hawile pawl Nuhrin covo lei a cawlcang tu hna le NGO hna he zan tlai tiang I ton biaruahnak kan ngei. Mah kan biaruah nak chung in thil kan i fiang mi cu, mah bantuk in ralzam le ramdang mi siizung ah tlaih le thleidannak hna kong ah hin mah siizung pawl i an hnu lei ah a fial tu pakhat khat an um ko lai ti mi lunghrin nak kan ngei. A ruang cu tangka pek kho lo ruang ah tlaih si lo in tangka pek ko bu zong ah tlaih thiamthiam a si tikah lunghrin ngai a si. A cheu siizung hna zong ah cun UN catlap um lo in operation te hna an kan tuah piak duh ti lo.

Mah bantuk harnak kan ton lio ah UNHCR nih le kan hal ning le thil kan duh ning in rian an kan tuan piak kho lo tik ah mipi caah a herh ning tein lam kawl a hau cang. Cu caah, ACR nih kan ngei mi case vial te cu kan fawnh dih hna i nizan ah Nuhrin covo lei a cawlcang tu hna le NGO pawl sin ah up dih a si cang an mah nih zong a herh ning tein cozah lei tuanvo ngei tu hna sin ah hal/nawlnak an tuah lai. A herh ah cun hluatdaw tiang ah chuah pi a si te lai. Chin mi caah himnak le luatnak Pathian nih rak kan pek ko hram seh! Thlacam zong in bawm hram hna usih. Credit:James Bawi Thang Bik

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

By Chuncha