Tutan 2020 US President thimnak kong cu a ho poah nih mit ṭhep lo in rak cuanh cio mi si kaw zei dirhmun dah an phak cang ti hi i bawh cio a si ko. US thimnak ah a linsa ngaingai mi pakhat ah a cang. Mah zumnak le vote mi ning in thil a kal lo ngai tikah mi thinlung a hliam ngai fawn.

Image may contain: text that says 'CNN Projection Updated 09:35 a.m. ET, Nov. Maps Biden Win Rlip Trump Win Flip Processing results NE CNN Projection OR MT ND Who's Leading SD Filters WY ME NV WI UT MI NE A Battleground IL KS IN PA MD DE MO OH Ww AZ NM Flipped Seats DC OK AR NC AK SC TX AL GA FL'

Nizan Michigan state vote relmi a fian cun teitu ai fiang rua cang lai tiah zumh a si nain atu hi hnulei ah a kir ṭhan phun in a um. Nevada lei ah i ṭhial ṭhan kan hau. Nevada state nih electoral vote 6 an ngeih. Joe Biden nih 264 a hmuh cang. Neveda i a tei rih ahcun 270 a tling lai i ka tei cang tiah zapi sinah a chim khawh cang lai. Asi nain, Donald Trump nih kan sung ti duh rih dawh si lo. Court ah biatak tein buaipi an timh hawi.

Nevada vote rel cangmi le rel ding mi hi van zoh tuah usih. Nevada milu hi million 3 reng lo deuh lawng an si. Vote thla ding in min ai khumhmi hi million 2 hrawng an si. Vote a pe taktak mi hi million 1.6 (77%) hrawng an si. Vote an rel cangmi million 1.5 (75%) renglo a si cang. Vote rel ding a um/taang rihmi hi sing/ting 3.8 (25%) hrawng a um rih.

US election 2020: Live results, polls and updates on Trump vs Biden | Metro  News

Joe Biden nih vote 588,252 (49.3%) a hmuh cang. Donald Trump nih 580,605 (48.7%) a hmuh ve. Biden nih vote 7647 hrawng in a thlau/tei rih. An rel rih dingmi vote hi tam ngai kaw aho nih a tei lai ti chim/theih khawh a si ti lo. Cucaah, thindomh le kamseh in hngaak ko rih usih. Atu tiang ahhin Trump cu 57 hmuh lawng ah 270 a tling ding a si rih nain amah a tei lai tiah an ruah rih ko. Tha chiat ding pakhat hmanh a um taktak rih lo. A khupthal a leh kho tak ko.

Neveda ai fian ko hmanh ah Pu Trump nih na ka tei tiin hnu ah i tawn duh hlei dawh a si lo. Court i buaipi hnu lawng ah zei dah a va lawh telai tiin biafun hau ko. Biakak ah, buai le hnahnawh nak faak ngai a chuak kho zong si. Zahan zaan hrawng zong vei pawl cu khua hluai mai in lam ah an au len i dawr bauh le fir an timh caah palik le National Guard nih an kham manh hna. Minung tam ngai zong an tlaih hna.

US Election 2020 India Benefit From Donald Trump or Joe Biden win

A taang rih mi state 6 chung a rauh hlan ah thimfung an reel than cang lai, Thimnak an tuah ni hnih hnu tiang thimfung reel aa lim rih lomi US state 6 chung ah thimfung reelnak cu a rauh hlan ah an thok than cang lai. Thimfung reel rih lomi state 6 hna cu: Alaska, Arizona, Georgia, Nevada, North Carolina le Pennsylvania state pawl an si. Georgia state chung ah thimfung reel ding hi 90,000 a taang i atu ah Joe Biden nih thimfung 33,000 tluk in hmai a hruai rih.

Nevada state ah Joe Biden nih thimfung 80,000 tluk in hmai a hruai. rizona state zong ah 275,000 reel ding a taang rih tiah theih a si. President an tlin khawh nakhnga Electoral College state palai thimfung 270 an co a herh. Atu tiang ahcun Joe Biden nih 253 le Donal Trump nih 213 in a taang mi state 6 chung i a phichuak cu hngah cio a si. Ref/CCN

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.