Social media pawl nih Doctor  nu nih a chim mi video cu an rak post I suimilam pakhat ah million minung nih an views manh.A ruang cu Trump le a chungkhar kong fak taktak in aphomh hna ruangah asi.Hi video tawi te hi special ngaingai zong in an post loh,Facebook an rak tar sawhsawh men  ko .Sinain  caan zeimawzat a rau hlan ah million minung bak in an views manh ruangah Media pawl nih ABC newsa ah athar in an rak tar tthan.

ON TARGET: Trump's reckless sabre rattling with Iran is all the ...

A chim mi cu American virus lakah ṭihnung cem .US ram chung i coronavirus kong thawng diklo tam bik a phawzamhtu cu Trump te pafarual an si, ti si ko hih. Hruh si, hrokhrol si, lihchim si, an pu Lih nih mainstream media pawl Fake News a hei ti ve hna i mihrut a hnuzul vialte nih thawngpang dik an thei kho ti lo. Thawng diklo lih rumro tu a barh ciammam hna i coronavirus nih a bualh in a bualh chihmi ram ah an ichuah.

Thawngpangdang<<Coffee tiang zong telh in tliang le thaw in, Standard um taktak le thianghlim tein tuahmi King-Fast Food cu, tuzarh teni (First August) ah onnak kan tuah cang lai. Kan on ni cu 12-3 pm kar cu Buy one free one ( Pakhat cawk ah pakhat chap, Minung pakhat nih Burger 2 cawk i, pali co asi lai). Credit: J. Khua uk

2020 Thimnak Ah MP Ah Thim Tlakmi Hna (Dal Khatnak) .  2020 Chinram thimnak cu CNLD le NLD i zuamnak deuh ah ruah cio mi a lo. Tedim-Tonzang peng bel ah cun ZCD le NLD i zuamnaktu si dawh a si. Aho dah a ra lai mi kum 5 chung caah Chinmi le Chinram caah a ttha bik lai timi keimah pumpak hmuhnak sawhsawh ka rak langhter. MP ah an tlingte hrimhrim lai tinak si lo in, a ra lai mi kum nga (2020-2025) caah MP ah thim ding ah an ttha dom lai tiah pumpak hmuhnak rak langhter sawhsawh mi tu khi a si.

VP Henry Van Thio :Jessie pa nih thimnak ah a luh tthan tikah a lungtling lo mi tlawmte cu um pah dawh an si. VP a hmu tthan sual lai lo i, MP sawhsawh in a um sual lai ti khi, an phanpiak mi cu si dawh bik a si. An dawtnak bia ti khawh a si. Jessie Pa nih VP a ttuan kum 5 chung ah Chinram ah a tuahtami a kutneh a tam ko. Tuah ding ah saduh a thahmi le pehzulh ding zong a tang liangluang rih timi zong hmuh khawh a si. Biana ah, Bungzung mirang vawlei sernak, Nawi tidil le Vuichip tlang vanlawng ttumnak tbk.

Cucaah 2020 thimnak ah thim tthan ding ah zakhat ah zakhat bak aa tlak mi Lai pasal ttha a si. VP a si tthan lai maw?? Minister rian maw an pek lai?? Amyotha Hluttaw ah rian pipa tak maw an tlaihter lai?? MP sawhsawh in dah an chiah lai timi bel cu aho hmanh nih chim chung awk a ttha hnga lo. 2015 lio zong ah aho nih an rak chim chung khawh cio?? A fiang pahmi bel cu, 2020 thimnak ah a tlin tthan ahcun VP a si tthan ti lo sual hmanh ah, NLD nih Kawlram cozah an tlaih tthan ahcun VP a rak si balnak huham hmanh in rian tampi a ttuan khawh rih lai tiah zumh a um. A bik in Thantlang peng i amah he aa cuhmi MP hna nakin a let in Thantlang peng caah le Chinram caah rian a ttuan khawh deuh suamau rih ko lai. Cucaah thim tlak taktak a si.

Salai Myo Chit:Kanpalet in Amyotha Hluttaw caah CNLD in aa cuh dingmi mino a si. England ram in Master a dihmi a si. Cho miphun le nunphun kong zong Mirang holh in cauk a ttial i, Chiang Mai University nih an chuahpiak.

Kanpalet peng caah siseh, Chinmi caah siseh, Kawlram federal hmuh khawh nakding caah siseh a chimrel kho ngai ding pasal a si. Kanpalet peng i amah a zuam cawhtu MP hna nak cun Kanpalet peng caah le Chinmi caah santlai a si deuh lai tiah zumh a um. Kanpalet peng ummi hna nih khurkhua fak deuh in an ruah ahcun MP ah tlinter tlak bak a si.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha