To CC hna, Lunglawmhnak thawngttha kan in thanh hna . Denmark ram Sydjylland ,Esbjerg khua ah a ummi Pu Thla Peng le Pi Nawn Par ,Laithlang an Khua Hriphi hna i an fa le , Leng Van Ttha Sui ( Suisui ) le Leng Ni Chin Sung ( Chinchin) nih Khua an ruah tikah kan ram le kan Miphun zalonnak ding caah rian attuan mi hna ,CNF/A nu fa rual caah, Merry Christmas laksawng tingruk 600000 kyat laksawng an chuah hna, Suisui le Chinchin hi Mino tete an si a tu bantuk in Ram le Miphun caah zawnruahnak le dawtnak lungthin nan ngeimi hi zochun awktlak taktak nan si.CC nih Upatnak kan in pek hna nan cungah lunglawmhnak chim cawk lo kan ngei. Hmailei Sianinn nan kainak nan lamthluan ah kan Pathian nih thluachuahnak in pe ko hna seh. A tangah an cakuat kan langh ter ,Angki khaki zawng, Suisui le Angki rang Chinchin an si.

Upatmi CNF/A Nan cungah Christmas daihnak le lawmhnak cu tlung ko seh. Denmark ram ummi keimah Ni Chin Sung le ka U Van Tha Sui nih nan kut kan in tlaih hna. Ram caah nan rianttuannak le nan thabatnak cu kan Biak kan Pathain nih thluachuah pe sehlaw, ramdaihnak ah ser ko seh. CNF/Anan rianttuannak cu Chinmi hna nih a theipar kan ei cang. Cucu ramthumnak kan phak le kan Chimram ah daihnak a len hi asi.

Pathain lamhruainak thawngin kei le ka U zong sianginn a kai cuahmahmi kan si. Ka U hi kum 25 a si i SOSU-assistant a kai lio si. Kei hi kum 22 ka si i Engineer kai liomi ka si. Pathain nih thluachuah a kan pekmi chungin Christmas laksawng ah hrawm ve kan i duh hna. Sianginn a kai liomi kan si caah duh in kan cawlcang kho lo. Nan rianttuannak tu ah Pathain nih hlawhtlinnak in pe hram ko hna seh. Lunglawmhnak he: Ni Chin Sung, Van Tha Sui, Renh Cung, Sydjylland CC Chairman, Esbjerg, Denmark

Ethnic Chin Armed Group Tells AA: Leave Chin State, End Fighting With  Myanmar Military

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chuncha News Chief Editor.

By Chuncha

Leave a Reply

Your email address will not be published.