Tu lio US thawngpang lar ngai mi pakhat le mi kip nih an cei ngai mi pakhat cu, zungzal in Democrat party ka si lai tiah a ti mi.Democrat party nih voihninh hruaitu si ding in an thim mi Vanderburgh County Sheriff Dave Wedding nih nili ni/Thursday ah Democrat pawl caah thei nuam lo tuk mi le Democrat caah mangchia a si khawh mi a phuan mi hi a si. Sheriff Wedding cu Democrat party chuah  tak i, Republican Party lei ah ka um cang lai tiiah  Evansville, Indiana ah nili ni ah a chim. Mah bantuk in Democrat party in Republican lei ah a umnak ruang a chim mi nih US mipi lungthin a tei ngai ti thei a si.

A chim mi cu, US ram chungah mah bantuk in buainak fakpi a chuak lio ah, thil thalo tuah tu tlaih an si lo i, palik pawl hna fakpi in soisel le thangchiat an si caah a si’ tiin 14 news nih a ttial. A chim mi cu mah bantuk in US khualipi tampi ah buainak a chuak i, dawr le building tampi hrawh a si mi hna hi ka hmuh duh ti lo, ka fih tuk cang. Cun mah pawl nih Pathian zei rel lo in le Khrifa hna zei rel lo in le palik le cozah cungah thil thalo an tuah mi hna hi ka fih tuk cang caah Democrat party ah ka um duh ti lo, ka celh ti lo tiah a chim.

Democrat lei nih voihninh hruaitu caah an thim cang mi nih a chim mi cu, Democrat pawl nih thil zeipoah hrawh dih an duh, ni fatin thil hrawh lengmang hi an nih tim ning le duh bik mi a si tiin Washington Times sin ah a chim. Ni fatin US flag cu  mei in an khangh, Democrat party nih thil a tuah mi poah Pathian ti biafang hmang an duh ti lo, cun law enforcement cu thawngter an duh lo misual bantuk in an kan ruat cang. Ka rian ttuannak ah mi nih zei rel lo in an ka soisel mi hi zei ah hman ka rel lo. US ram caah a her mi le thil tha ka tuah ti ka thei, tiin a chim chap. Mah bantuk in Sheriff nih Democrat a chuah tak mi cu Democratic Party of Vanderburgh nih a chim ning ah cun Democrat caah cun thawngpang chia tak tak a si tiah an lungfak ning an langter. Credit- Breitbart

Phunglam zul dingkong <<Kan innchung in a leng chuah tik ah hmur-kaa huh i huh ding. Kan i huh tik zong ah Ngandamnak Zung nih dingrep a ser ning tein i huh ding. Mibu in hnianghrawn lei siseh, Zaanglek (pumpululh telh) lei tuah siseh, Hakha Peng chung i tiva pawl ah ngahring dawi le ti i lio siseh, cun mizapi nih hman mi hmun nuam pawl ah mibu in um lo le tuah lo ding.  Company le a dang chawletthal hna nih mibu in tuah mi thil zuar le thil phawtzamh nak tuah lo ding.Eidin dawr, rawl dawr le tamhnak dawr pawl zong Ngandamnak Zung nih nawl a chuah mi ning in dawr hon le zuar ding.

Biakinn zong ah Ngandamnak Zung nih dingrep a ser ning tein zulh ding.Kan inn pawngkam hrawng ah ramdang in a rak tlung mi, Stay At Home an tuahnak Peng in a rak tlung mi ramdang mi, COVID-19 zawtnak a ngei ko lai tiah lungrumh mi pawl Hakha Peng chung ah an rak luh a si cun aa pehtlai mi sang upa le cozah lei ah thawngthanh ding. Ramdang in Hakha ah a rak lut mi poh an phak ni in ni 21 erhkhumh (Facility Quarantine) ding.Coronavirua Disease 2019 runvennak ca ah Hakha khualuhnak hauka in ngandamnak lei zohfelnak tuah lio a si i zohfelnak tuah tik zong ah lunglawm tein cohlan ding. Cun, nawl chuah mi le dingrep tuah mi pawl mizapi lei nih tha tein zulh khawh i zuam ding. Credit:HCRC

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi cu a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha