Atu lio Covid-19 zawtnak hrik cu vawlei cung a hninh lio te a si, Aho poah hi thinphan dailo in a kan chiah cang ko, US President zong nih nihin ah thlacam ni a phuan ve cang, ram tampi pumhnak le mipi tam deuh umnak cu khap a si nak an phuan cuahmah cang. Kanmah Chinmi zong hi kong ah ramkip ummi nih thlacamnak ngei ve cio a si i, kan unau hna Mizoram zong lungtak tein thla an camnak tu hmangthlak kan hmuh bantuk hin an thawng kan theih tikah lawmh a um ngai ngai.

Mizoram dang dang vialte caah tiin Hangi Lunglen Tlang Bethel Ah thlacamnak an ngeimi kong Albert muana nih a tial mi kan rak langter chin mi asi. Hi bantuk in thlacamnak programe hi tuah rih peng ding zong a si i, harsatnak dantaknak le sungzatlaknak, vanchiat puicim, lawmhnak kan ton caan lawng ah si lo in a zungzal in thlacam dai thlang lo in zumtu mi hna nih cun cam peng ko hna uhsih.

Atu bantuk thil kan ton cuahmah lio zong ah caan hrim a herh rih mi kan si i, daithlang lo in um kan hau cang. Kan Unau hna Mizoram hna nih vawlei bak ah I bualin Pathian sinah thlacamnak an ngei mi hi a lak a si bal lai lo, Bawipa nih a takin an thlacamnak hlawh tling ter hram ko hna seh. 14 March 2020. Zarhte Ni

By Chuncha